綫蟲動物
提示：呢篇文講嘅唔係綫形蟲動物。線蟲動物（學名：Nematoda[1]）係動物界入面相當大嘅門，係假體腔動物，有超過28,000個記錄咗嘅物種，重有好多種重未改名。絕大多數體細同埋係圓柱形，又叫做圓蟲（roundworms）。佢哋喺淡水、海水、陸地上周圍都見到，唔理係個體數定物種數都比其他動物多，並喺極端嘅環境好似南極同海溝都見到。重有，有好多種嘅線蟲係寄生性嘅（超過16,000種），包括好多植物同人類在內嘅動物嘅病原體。剩係節肢動物比線蟲多樣化。
 | ||||
|---|---|---|---|---|
 蛔蟲
| ||||
| 物種分類 | ||||
|
線蟲原先喺1919年俾 Nathan Cobb 改名做 Nemata。之後降級做囊蠕蟲中嘅一綱，最後重新分類做線蟲動物門。
形態學
編輯線蟲係三胚層嘅後生動物，有一套完整嘅消化器官。線蟲冇循環系統亦冇呼吸系統；呼吸同物質嘅運輸完全靠擴散作用。體薄、縱切面係圓形，但實際上係兩側對稱。線蟲嘅體腔係一個狹窄嘅假體腔。口部成日有唔同嘅蓋口或者突出物，有捕食同感覺嘅功能。喺肛門之後嘅身體部位叫做尾部。表皮會分泌啲堆積成層嘅角質層，令個身唔會變乾，重保護身體；唔會俾惡劣環境（好似消化液之類）破壞。有啲種類重會形成郁動用嘅突出物，例如幫助活動嘅纖毛。雖然依個角質層令佢可以郁同改變形狀，佢重係好無彈性，令到蟲體無得變大。所以，隨著蟲體長大，佢就會蛻皮、而且有新嘅角質層。角質層唔畀體積改變嘅原因係要維持體內嘅高液壓。因為呢個原因，線蟲無環狀肌，凈係有縱向肌，因為無噉嘅必要。線蟲體入面嘅液壓就係佢哋係圓形嘅原因。