繆艮1766年1835年),又叫繆蓮仙,字兼山,號蓮仙子,稱火蓮道人大清作家浙江武林(即今杭州)人。兄弟三人,佢排第三。取自《易經》,有「少男」之象。艮有二山相疊,故字兼山。而號蓮仙子,則暗慕青蓮居士李白。卒年各說紛紜,應該喺鴉片戰爭前已死。越南使節李文馥喺1835年(道光十五年)八月初二曾拜祭繆艮,當時繆艮停屍大東門外之浙紹義莊

繆艮
出生日1766年 喺Wikidata改呢個
國籍大清 喺Wikidata改呢個
職業作家 喺Wikidata改呢個

繆艮多才,不過累試不第,無法做官。要過省謀生,奔波勞碌。雖係浙江人,但喺廣東留得耐,有廿幾卅年,廣州府中任文職幕僚。去過澳門,曾想出洋海外。

寫過書有《文章遊戲》、《嚶求集尺牘》、《塗說》、《沈秀英傳》、《夢筆生花》、《泛湖偶記》、《中外群英會録》、《霍山志》、《壓線編尺牘》、《四書對語》、《天和閣聯語》、《徐娘自述詩記》、《香艷叢書》等。

支機生寫《珠江名花小傳》,疑支機生即繆艮。省城前珠江花艇,繆艮亦曾流連,曲詞詩詞皆寫。《中外群英會録》,講佢款待越南使節於花艇之上,整夜詩詞對和。而南音客途秋恨》一曲,亦有佢個名,甚至有話係佢自述。

《文章遊戲》為佢得意之作,當時越南甚為流行,亦促使佢同越南使節交誼甚深。郭沬若喺《陳雲貞寄外書之謎》,唐弢《海天集》,以及錢鍾書寫《圍城》,都提過《文章遊戲》。