續議界務專條

《續議界務專條》，又叫《關於中國同北圻之間邊界嘅劃定嘅公約》（法文：Convention relative à la délimitation de la frontière entre la Chine et le Tonkin）、《1887年法清公約》（越南文：Công ước Pháp – Thanh 1887）、《1887年亢士當公約》（越南文：Công ước Constans 1887），係法國同中國之間於1887年6月26號簽訂嘅文件，係1885年兩家簽署定嘅《中法新約》第3條嘅執行專條，旨意係再劃分過越南北圻同中國之間嘅邊界。

1728到1897年間嗰幾條中法公約簽署後，雲南附近中越邊界嘅變化，同埋聚龍地區擁有權嘅逐漸轉移

原邊界爭議

「	宣德二年，土酋黃金廣等以澌凜、羅浮、古森、葛源等四峒十九村叛附安南，安南遂侵如昔、貼浪二都，因置金勒千戶所，移治那蘇隘。嘉靖十五年，安南复侵如昔、貼浪二都。十九年，莫登庸降，歸澌凜、金勒、古森、丫葛四峒地，於是始復故境。	」
——顧祖禹，《讀史方輿紀要》

明宣德二年（1427年），土司黃金廣憑四峒（而今防城港防城江以東嗰一部份臨邊境地區，唔包括嗰陣仲屬於越南嘅澫尾、分茅嶺等地區）自立並依附唨安南，越南喺度設唨區劃但唔直接管理。嘉靖六年（1527年），越南後黎朝權臣莫登庸逼黎恭皇讓位佢成莫太祖，建立莫朝。嘉靖十九年（1540），明朝正發覺莫登庸嘅篡位事實，陳兵邊境；莫登庸順勢向明朝稱臣投降，並還返佔住嘅領地。跟尾1646年，南明隆武冧台，越南後黎朝中興期，鄭氏意圖吞併廣東，就帶水軍進逼廉州，但見守軍戒備而撤船，並遵守返分茅嶺銅柱嘅邊界線。1659年，地區權力真空，莫氏殘黨以「助明抗清」為由佮埋土司、明殘黨起事，喺捱清軍擊破之後還返啲領地。之後清朝、黎朝期間，兩便邊境冇大事。

1802年開始，越南改阮朝。初初西人嘅地圖入邊，四峒地區都仲係畫喺廣東，安南江（即北崙河）就跟四峒隔籬；之不過跟尾1862年攞得交趾支那之後，喺法國人所畫嘅地圖當中，「安南江」經常捱畫到防城江去，而安南江以南啲土地就冚唪唥都捱畫成北圻領土。中法戰爭之後，兩方（越南方面由法國代表唨）為唨解決啲類似嘅領土（包括海上啲島）爭議，喺《中法新約》當中寫明要重新劃過中越之間嘅邊界線。

• 
  1735-1740-1839年西人畫嘅安南江，即北崙河
• 
  1829年法國製嘅地圖畀越南（大南），邊界落喺北崙河，並睇得到由西到東珍珠灣、防城港灣、欽州茅尾海。
• 
  1844年法國製嘅地圖畀越南（大南），邊界落喺北崙河
• 
  1876年法製印支地圖，邊界落喺北崙河
• 
  1879年，啫係清法公約簽訂嘅八年前，法國方面北圻邊界嘅地圖，入便將陽河江（sông Dương Hà）（邇度嘅安南江係指而今流出防城港嘅防城江）作為廣安省同廣東省嘅邊界。

主要內容

陸地邊界

1. 割越南河江省聚龍嘅四分之三（面積750平方公里）畀中國雲南。
2. 割越南九條半屬廣安省建沿、鉢塲嘅村社畀中國廣東。

海上邊界

由北至南經過茶古島東便山頭嘅、巴黎以東105度43分子午線，作為邊界線，以東啲島屬中國。

「	至於海中各島，照兩國勘界大臣所畫紅線，向南接畫此線，正過茶古社東邊山頭，即以該線為界（茶古社漢文名萬注，在芒街以南，竹山西南。），該線以東，海中各島歸中國；該線以西，海中九頭山（越名格多）及各小島歸越南。若有中國人民犯法逃往九頭等山，按照光緒十二年三月二十二日和約第十七款，由法國地方官訪查訪，嚴拿交出。	」
——原文中文版本

實施工作

1888年地圖上嘅白龍半島（Cap Paklung）著劃畀清朝

1887年跟1895年中法啲公約簽成之後，屬於廣安省（廣寧省）嘅啲越南領土著劃落中國，包括以下啲社（鄉鎮）：屬於鉢塲統（Bát Trang）嘅北岩（Bắc Nham）、Hoàng Mộng, Tuy Lai, Nật Sơn, Thượng Lại, Cổ Hoằng同Vụ Khê。屬於海寧府建沿（Kiến Duyên）嘅建沿、垌宗（Đồng Tông）。屬安涼（An Lương）嘅白龍半島（mũi Bạch Long Vĩ；Paklung）同埋屬海寧府河門嘅米山、澫尾、眉山啲村喺啲1887年後嘅地圖裏便劃唨落中國。

法國喺陸地、海洋邊界線作出各種讓步畀中國之後，由兩方代表、法國駐中國特使翳亞尼士 亢士當（Ernest Constans）同清朝衙門總理主席黃親京（Hoàng thân Kinh）實施，並簽署關於以下細節嘅聲明，嚟最終解決劃界問題：

1. 由中法兩國各委員訂立並簽署好嘅聲明，同埋隨附地圖，得到認可
2. 兩班委員會解決毋到嘅問題，與及啲透過6月9日《公約》第2部分批閲唨嘅修正案，以下列方式解決：

• 對於廣東，雙方就以下達成協議，將啲喺芒街以東同埋東北嘅爭議地點，啲位於由委員會劃定、確定唨嘅邊界線另一便嘅地點，交畀中國。
• 巴黎東105度43分子午線，代表經過茶古島東點嘅南北直線、並構成大清（中國）同法屬北圻之間邊界；北部灣（即東京灣）啲位於佢以東嘅島嶼都交畀中國。
• 條子午線以西嘅，「Go Tho 島」（姑蘇島，《公約》中文作「九頭山（越名格多）」）與及其他島嶼就交畀北圻。

雙方履行協定所包括文件

• 公約內容
• 廣東省戥北圻之間北部灣區域領海劃界圖（Bản đồ phân định）
• 廣東、廣西、雲南戥北圻之間嘅領土劃界圖

喺啲劃界圖上，兩便代表簽字，左角法國簽字，右角中國簽字。

文獻

• Bang giao Đại Việt, triều Nguyễn – Nhà xuất bản Văn Hoá Thông tin, 2005
• 公約全文300-302頁.（法文）

睇埋

• 欽廉地區