北美足球大聯盟

北美足球大聯盟（英文：Major League Soccer）係美國同加拿大最高級別嘅職業足球聯賽，目前有21支美國球隊同埋三支加拿大球隊，分為東西兩個賽區。賽季每年三月開始，到10月結束，每支球隊要打34場常規賽，常規賽積分排名第一嘅球隊獲頒「支持者盾」。之後東西兩個賽區嘅前五位通過季後賽決定本賽季嘅聯賽冠軍。

同其他頂級聯賽唔同嘅係，北美足球大聯盟採用單一實體架構，球隊唔係完全財政獨立嘅，每一支球隊都係大聯盟嘅投資者擁有同控制嘅。另外，北美足球大聯盟亦都係少數幾個唔設升降級制度嘅聯賽。

球隊

新英格蘭

紐約FC

紐約紅牛

滿地可

費城

華盛頓

奧蘭多

多倫多

科羅拉多

肯薩斯

哥倫布

達拉斯

侯斯頓

芝加哥

鹽湖城

西雅圖

聖荷西

洛杉磯

溫哥華

波特蘭

1. 多用途球場
2. 有計劃搬去足球專用球場

歷史

由於美式足球同棒球嘅絕對優勢，足球喺美國一直唔算係主流運動。但係喺1988年，美國竟然以微弱優勢擊敗巴西同摩洛哥，奪得徂1994年世界杯嘅主辦權。為徂答謝國際足協，美國足協承諾建立一個全國性嘅甲組足球聯賽。1993年12月19號，美國足球大聯盟正式以有限責任公司嘅形式成立。

大聯盟嘅第一場比賽，係喺1996年4月6號，由聖荷西轟鳴喺主場聖荷西斯巴達人球場迎戰華盛頓特區聯隊嘅比賽。嗰場比賽唔單止吸引超過30000人入場觀戰，重有ESPN現場直播。由於大聯盟吸引到當時美國國家隊嘅幾員猛將加盟，所以喺相當一段時間之內人氣高企。華盛頓特區聯隊喺大聯盟嘅頭四個賽季裡邊三次奪得冠軍。

喺第一個賽季之後，大聯盟嘅入場觀戰人數就開始下跌。下跌嘅主要原因有兩個：一個係因為大聯盟嘅十支創盟球隊裡邊，有八支係要同當地嘅職業美式足球隊共用主場嘅；另一個係因為大聯盟為徂迎合美國觀眾嘅口味，而對大聯盟足球進行徂「美國化」其中最出名嘅「美國化」規則包括：

• 比賽鐘唔係由零去到90，而係由90去到零，裁判可以中途停止個鐘，個鐘去到零比賽馬上結束，唔設傷停補時（爾項規則來自美式足球）；
• 對陣雙方喺90分鐘之內分唔出勝負，就要即刻射單刀球分勝負：個球係擺喺離龍門35碼嘅地方，而唔係12碼點上邊，球員可以向前運球再射，不過要喺5秒鐘之內射球，而門將可以主動出擊截住個球（爾項規則來自冰球）

不幸嘅係，爾啲「美國化」規則唔單止捉唔住美國觀眾嘅胃口，反而令鍾意傳統足球嘅球迷大失所望。喺1999賽季之後，爾兩條規則全部取消澌。