美智子
上皇后美智子（日文：美智子／みちこ Michiko；1934年10月20號—）係上皇明仁老婆，原名正田美智子（正田 美智子／しょうだ みちこ Shōda Michiko ），係日本第一個平民出身嘅皇后同埋日本皇室成員。
.jpg)
經歷
編輯
美智子響東京府東京市本鄉區（依家嘅東京都文京區本鄉）東京帝國大學醫學部附屬醫院出世，老豆係日清製粉嘅會長正田英三郎。佢同時都係屋企大囡。佢先後讀過雙葉小學校同埋聖心女子學院，1957年響聖心女子大學畢業[1]。
響1957年8月，美智子響輕井澤嘅網球場上面識咗當時重係皇太子嘅明仁，之後重陷入戀愛，爾件事響當時嘅日本係好少見。響1958年，皇室會議同意咗佢哋爾門婚事，重對外公佈。由於當時嘅佢形象清新，加埋佢係平民出身（自古以嚟，日本皇太子多數都係娶啲皇族、攝家、華族等等出身嘅女仔），畀日本人叫做「Micchi-Boom」時代[1]。
響1959年，美智子正式同明仁結婚。1960年生咗大仔德仁、1965年生咗二仔文仁、1969年生咗大囡清子（後嚟下嫁畀黑田慶樹，所以改姓黑田），三個小朋友都係皇居宮內廳醫院出世。響1989年，昭和天皇死咗，明仁繼位，美智子亦由太子妃升做皇后。
響2019年，明仁讓位畀大仔德仁，而佢做上皇，美智子都一齊跟住讓位，改叫「上皇后」。美智子係日本第一個上皇后。
屋企
編輯老豆：正田英三郎
阿媽：正田富美子
老公：明仁
攷
編輯- ↑ 1.0 1.1 〈最美皇后的美智子，曾遭受霸凌，重曾經有短期失語症｜天下雜誌〉。《天下雜誌》。喺2020-06-16搵到。
{{cite web}}: CS1 maint: url-status (link)