耆樂警訊英文Senior Police Call縮寫SPC)係香港一個畀55歲或以上長者提供具有警方資訊同多方活動嘅平台,與長者建立滅罪夥伴關係以宣揚防罪訊息,喺2014年2月成立,總部設於警察公共關係科。

背景 編輯

香港近年長者人口嘅比例顯著上升,根據統計處數字顯示,去到2029年每4個人之中有1個係65歲以上長者。有見及此,各警區早喺2006年開始,已經推行各式各樣嘅長者計劃,目的係宣傳防罪、交通安全等訊息,希望可以畀有豐富社會經驗嘅一班長者盡展所長,對長者社群同社區繼續作出貢獻。為達至更大效益,「耆樂警訊」喺2014年2月喺警隊全面進行,並成立「耆樂警訊中央諮詢委員會」,為呢個計劃嘅長遠發展提供重要同具有策略性嘅意見。

計劃目的 編輯

  • 加強警方與長者社群嘅溝通;
  • 與長者建立滅罪夥伴關係,以宣揚防罪訊息;
  • 提升對長者嘅保護,減少佢哋成為罪案受害者嘅機會,提高佢哋嘅道路安全意識;
  • 提供平台畀長者參與有意義嘅活動同繼續服務社會。

對象 編輯

  • 55歲或以上;
  • 健康狀況良好;
  • 擁有正直同誠實品格;
  • 具備良好嘅溝通技巧同團隊精神;
  • 願意協助推行「耆樂警訊」嘅活動同宣揚計劃。

睇埋 編輯

出面網頁 編輯