耶穌受試探
《耶穌受試探》（粵拼：je4 sou1 sau6 si3 taam3）係新約聖經入邊好出名嘅一個故事，《馬太福音》、《馬可福音》同埋《路加福音》都有記載。簡化噉講，依段故事係講魔鬼走嚟引誘耶穌，想耶穌敬拜佢（向魔鬼臣服等如放棄救贖世人），但係耶穌唔睬佢[1]。
.jpg)
魔鬼：如果你跪低拜我，天底下嘅王國都係你嘅！
耶穌：撒旦，你走啦！經文講明：「你應該敬拜你嘅上帝，而且淨係事奉佢一個。」
情節
編輯喺三本福音書當中，《馬可福音》對依個故事嘅記載明顯冇咁詳細，淨係好簡短噉講咗兩句。以下係《馬可福音》嗰個版本嘅粵語白話文譯版[註 1][2]：
聖靈帶領佢（耶穌）去荒野嗰度。
然後佢喺荒野度逗留咗四十日咁耐，受過撒旦試探；試過遇上野獸；天使一路都睇住佢。
而相比之下，《馬太福音》同《路加福音》嘅版本就詳細好多。依兩本福音書啲用字有啲分別，但內容大致相同[3][4]：
耶穌畀聖靈帶領咗去荒野。佢喺荒野嗰度斷食斷咗四十日，一路受住魔鬼誘惑，佢喺嗰四十日期間乜都冇食過，於是佢就開始覺得肚餓。
魔鬼佢講：「如果你真係上帝個仔，就命令依嚿石頭變成麵包啦。」
耶穌回答：「經文上寫咗，人唔應該齋靠麵包生存，而係應該靠上帝嘅話語。」
然後魔鬼帶耶穌去到一座好高嘅山頂，畀耶穌睇到晒天下嘅所有王國。
魔鬼講：「我可以將龐大嘅權力同榮耀交畀你。因為依啲權力同榮耀都係我所有嘅，我鍾意將佢哋交畀邊個都得。如果你跪低敬拜我，依一切就全部屬於你。」
耶穌答：「你扯把啦，撒旦！經文上寫咗，你應該敬拜你嘅主同上帝，而且淨係服侍佢一個。」
跟住魔鬼就帶耶穌去耶路撒冷，畀佢企喺聖殿最頂嗰點。「如果你真係上帝個仔，就由依度跳落去啦：經文上寫咗，佢（上帝）應該會派佢嘅天使嚟保護你。天使一見你跳就應該會落嚟營救你，唔畀你撞落下面嘅石頭嗰度。」
耶穌回答：「（經文嘅教義）已經講咗，你唔應該試探你嘅主同上帝。」
如是者，魔鬼出晒佢啲詭計，就唯有離開。
嗌法
編輯《耶穌受試探》喺各種外語當中嘅名如下：
