耿紀

耿紀（粵拼：gang2 gei2；？—218年），字季行（行讀幸，gwai3 hang6），扶風茂陵人（而家陝西興平），係東漢末年嘅官員。佢嘅祖先係耿弇細佬耿國。

耿紀
東漢 官員
死	218年 許都（而家河南許昌）
活躍時期	218年
遞啲名
字	季行
其他名	耿熙

佢細個時就有幾好嘅名聲，先係做丞相掾屬，曹操覺得佢係人才，於是之後遷爲侍中，然後做少府。建安二十三年（218年），耿紀共太醫令吉本、司直韋晃、金禕喺正月時喺許都（又叫許昌）發動對曹操嘅誅殺，目標係丞相府，因爲嗰陣時曹操已經逼到漢獻帝封佢做魏王，佢哋呢班人不滿曹操企圖篡漢室帝位，而當時南面關羽兵力強盛，而曹操喺鄴，留丞相長史王必喺許都督軍，佢哋想殺咗王必，然後帶住天子搵劉備搬救兵去攻打魏王曹操。

佢哋漏夜燒丞相府大門，又派內應，支箭射中王必膊頭。王必唔知邊個打佢，而平素同金禕老友，想走難去佢度。金禕屋企唔知係王必，以爲係自己人，應錯聲，畀王必知咗，於是走難去城南（第種講法係王必想投靠金禕，佢嘅帳下督勸阻咗佢，而走咗城南度）。天光時，耿紀等人散夥，以爲王必死咗，結果王必同中郎將嚴匡平定咗場起事，耿紀同吉本等人被處斬。耿紀喺就來斬頭時，呼叫曹操個名，話：「衰在唔係自己諗呢件事，竟然畀班僆仔誤咗！」佢哋斬頭同時，佢哋三族亦受牽連，當時同佢哋有拉掕嘅好多人都死埋。

參攷資料

• 陳壽（著）；裴松之（注）。〈魏書：武帝紀〉. 《《三國志》》。｢（建安）二十三年春正月，漢太醫令吉本與少府耿紀、司直韋晃等反，攻許，燒丞相長史王必營……必與潁川典農中郎將嚴匡討斬之。〈三輔決錄注曰：時有京兆金禕字德禕……睹漢祚將移，謂可季興，乃喟然發憤，遂與耿紀、韋晃、吉本、本子邈、邈弟穆等結謀。紀字季行，少有美名，為丞相掾，王甚敬異之，遷侍中，守少府。……若殺必，欲挾天子以攻魏，南援劉備。時關羽強盛，而王在鄴，留必典兵督許中事。文然等率雜人及家僮千餘人夜燒門攻必，禕遣人為內應，射必中肩。必不知攻者為誰，以素與禕善，走投禕，夜喚德禕，禕家不知是必，謂為文然等，錯應曰：『王長史已死乎？卿曹事立矣！』必乃更他路奔。一曰：必欲投禕，其帳下督謂必曰：『今日事竟知誰門而投入乎？』扶必奔南城。會天明，必猶在，文然等眾散，故敗。獻帝春秋曰：收紀、晃等，將斬之，紀呼魏王名曰：『恨吾不自生意，竟為群兒所誤耳！』｣
• 范曄。〈耿弇列傳〉. 《《後漢書》》。｢國……曾孫紀，少有美名，辟公府，曹操甚敬異之，稍遷少府。紀以操將篡漢，建安二十三年，與太醫令吉本、丞相司直韋晃謀起兵誅操，不克，夷三族。於時衣冠盛門坐紀罹禍滅者眾矣。｣
• 袁宏。〈孝獻皇帝紀卷第三十〉. 《《後漢紀》》。｢二十三年春正月甲子，太醫令吉平、少府耿熙等謀誅曹操，發覺，伏誅。｣
• 司馬光。〈漢紀卷第六十八〉. 《《資治通鑑》》。｢孝獻皇帝癸建安二十三年（戊戌，公元二一八年）……魏王操使丞相長史王必典兵督許中事。時關羽強盛，京兆金禕睹漢祚將移，乃與少府耿紀、司直韋晃、太醫令吉本、本子邈、邈弟穆等謀殺必，挾天子以攻魏，南引關羽為援。春，正月，吉邈等率其黨千餘人，夜攻王必，燒其門，射必中肩，帳下督扶必奔南城。會天明，邈等眾潰，必與穎川典農中郎將嚴匡共討斬之。｣