聯昌泰國際集團

聯昌泰國際集團有限公司（又名倍可國際集團有限公司，港交所前編號：1190）係香港前上市公司，1970年由陳文川創立，主要業務係建築同埋物業投資。

2000年至2001年期間，陳文川同其他有關人士串謀詐騙，包括虛假交易、做假帳等。公司由2002年8月23號起因為財政問題暫停買賣。最後聯昌泰國際集團因為提交唔到復牌建議畀香港交易所，而根據《香港聯合交易所有限公司證券上市規則》條例第17條，裁定聯昌泰國際集團喺2005年3月16號上午9點30分撤銷上市。