聲質

聲質或者聲域（意大利文：tessitura）指一個人嘅「舒服」音域。好多時就算一個人唱得出一個音高，都唔表示佢唱起嗰個音高上嚟會舒服，如果一個人嘗試唱一個好高嘅音出嚟，即使佢唱到，但係唱嘅時候可能喉嚨會覺得唔舒服；聲質呢樣嘢好重要，因為要求一個人夾硬唱佢舒服音域以外嘅音符，會傷到喉嚨，嚴重嘅可以對佢把聲造成永久嘅損害，唔可以繼續唱歌，所以合唱同歌劇等方面嘅工作者往往都好在意一位歌手嘅聲質係點。