胸甲騎兵Cuirassier),係裝備咗胸甲馬刀火器嘅騎兵,最早出現喺15世紀後期嘅歐洲。呢一個兵種繼承咗中世紀重騎兵響戰場上嘅地位,主要活躍喺16世紀中期至20世紀初嘅歐洲戰場。

編輯

16-17世紀 編輯

最初嘅胸甲騎兵同中世紀後期全副武裝嘅重騎兵好相似,佢哋戴全罩頭盔嚟保護成個,着住重型鎧甲保護成條同上半身、膝頭嘅前側。胸甲騎兵同重騎兵最顯著嘅分別係佢哋唔再使用長槍或者戰錘,而係用輕便火槍同馬刀作為武器,另外佢哋為咗方便裝彈藥,唔再穿笨重嘅護手,並且亦都唔再用保護馬匹嘅鎧甲[1]

16世紀中後期,隨住步兵長矛嘅廣泛使用同火器嘅興起,槍騎兵逐步退出歷史舞台,取代槍騎兵地位嘅胸甲騎兵開始一個獨立嘅兵種。到17世紀中葉,全身鎧甲逐漸過時,胸甲騎兵開始改着較為輕便嘅胸甲(法文:cuirasse),Cuirassier呢個名開始出現[2]

18-20世紀 編輯

胸甲騎兵着嘅盔甲隨住時代嘅演變逐漸減少,到18世紀末葉,胸甲騎兵嘅裝甲已經僅限於頭盔,只有法國奧地利普魯士俄羅斯嘅胸甲騎兵仍然着胸甲。喺近代嘅燧發槍面前,胸甲已經好難為騎兵提供有效嘅防護。除咗增強衝鋒時嘅動量之外,胸甲發揮嘅作用已經主要係心理上面:一方面增強騎兵進攻嘅信心,一方面對敵人產生震懾作用。一戰爆發前夕,法國一共擁有12個胸甲騎兵團,德國有10個(其中2個係衛隊性質),俄羅斯有3個(都係皇家衛隊)。德國同俄國胸甲騎兵從19世紀末開始只係將胸甲作為和平時期嘅閱兵服裝。英國響拿破崙戰爭之後亦都為三個王室騎兵衛隊裝備咗胸甲,但係只有法國喺一戰開始之後將着胸甲嘅胸甲騎兵部隊投入實戰,直到1915年10月,着胸甲作戰嘅命令正式撤銷[3]

20世紀以後 編輯

現今仍然有騎兵部隊用胸甲作為正式場合閱兵時嘅穿着,包括英國王室騎兵衛隊西班牙王室衛隊意大利共和國總統衛隊等等,不過呢尐部隊大部分都唔用「胸甲騎兵」呢個名。

參考 編輯

  1. Tincey, J. (McBride, A. - illustrator) (1990) Soldiers of the English Civil War (2) Cavalry, Osprey Publishing.
  2. Angus Konstam, William Younghusband (1996). Russian Army of the Seven Years War. Osprey Publishing.
  3. Les Cuirassiers 1845-1918, Louis Delperier, Argout-Editions Paris 1981