自治

自治，人自己治自己咁解，又叫自政。相對於英文autonomy，按字源，古希臘文αὐτονομία，自己同法律二字合成，按意解做「人畀自身自己法律」，故此又繙做自律。亦有自主、自立、自決、獨立咁叫法，或以權利來睇，寫自主權、自治權、自政權、自決權。由於會啲字同其他相近概念重疊，字會交叉咁用。唔同學科有唔同講法，取字又會唔同。

西洋種種學科，自治涉及其中，各家解法大異其趣。道德、政治、生物、倫理、醫學、發展心理學，都會涉及。

好似醫學咁，病人睇病，醫生治病，醫生講清楚情況，要點樣醫病，咁醫法可能有乜問題。咁個波就交畀病人自己決定，依種就為之病人自決權、自主權。咁嘅睇法，亦唔止醫學。呢類範疇，將自治睇成權利，即告知一切，無迫之下，自己決定。

生物學有自律神經系統，取自英文autonomic nervous system，神經完全自動波，自己管治自己，自律個名，合符autonomy本義。

文

禮記有講，「故百姓則君以自治也」。百姓會以君主為模範，自己治理自己。

哲學

哲學講自治，以康德為首。康德自治有三題。一，自治係權，可以自行決斷，唔受你人干預。二，自治為能力，前者決定，經過獨立思考，經人自省。三，自治為理想之道，以自治過日。

尼采都有自治。佢講自治，以人自身自主，有關於自身幾面，包括自尊同自愛。

成長

細蚊成長，會學曉自治。佢情感部份會靠自己，多過父母。佢行為部份，以自己判斷，做獨立決定。到青春期，自治關乎自身認同。佢會受同輩、父母影響。隨住年紀大，就會有多啲自治意識。