舂磡角道（Chung Hom Kok Road，亦寫做「舂坎角道」）係香港一條行車馬路，響香港島南區舂磡角，由赤柱峽道近淺水灣道開始，去到舂磡角慈氏護養院，2.6公里長。
呢條路係往返舂磡角同馬坑主要嘅路。大部分路段係北高南低嘅斜路，北半段段連接舂磡角住宅區同赤柱主要嘅路，南半段就入咗舂坎角公園範圍。一般公共交通工具只會到條路中段嘅舂坎角海灘巴士站迴旋處，去赤柱方向巴士會經環角道入赤柱。沿途都係低密度高尚住宅區，尤其集中近環角道一帶。
