舂磡角慈氏護養院（Cheshire Home, Chung Hom Kok）係香港港島南區一間公立醫院，喺1961年創辦，本身由慈氏國際基金會開辦，1991年交由醫院管理局管理，係港島東聯網其中一間醫院，地址係港島舂坎角舂坎角道128號。
舂磡角慈氏護養院喺1961年成立，透過醫務社工、醫管局中央輪候冊同東華東院轉介肢體傷殘人士同長期病患者，為佢哋提供延續護理服務。護養院係慈氏國際基金會（香港區）成員。
