諗頭

諗頭nam2 tau4，又叫想頭，解難之見，解決之始。即係諗、見、意、念、思、計。英文稱之為 idea（粵拼：aai6 di1 aa4，粵音假借：艾啲牙aai6 di1 aa4 / 艾啲亞aai6 di1 aa4），取自希臘文 ἰδέα（idea），形、態之意，佢又衍生自ἰδεῖν（idein），即係見。

諗頭含意都幾廣泛，有好多唔同講法，除咗諗、見、意、念、思、計之外，重有意見、意思、念頭、想像、心思、大意、主意、觀念、諗頭，數之不盡。大意為思緒之中，形成印象，就好似睇到咁，從而得出達成之法，或者新嘅路向。發明、發現都係由此而起。

西洋而言，有形者，思緒睇出物之像，無形者如概念，就無形無像。之不過西洋，一樣眾說紛芸，大眾有大眾講法，哲學亦有哲學種種講法。大眾而言，有所諗，有所見，從而得出可行方向。亦可以解為印象，又或者意見同信念。

諗頭起自平日所收之訊息，同為件事而收嘅訊息。整理種種訊息之間，得出有何關聯。諗到關聯之際，又如何用得出，得出切合問題之方法，此為念頭。如此唔只有意之時，先睇得見，有時係無意間，都會忽發奇想。更者，日有所思，夜有所夢。大腦喺瞓得好之時，就重組記憶，當日所收之訊息，所有之思緒，同現有記憶，段段整合，生出關聯。重組而發夢，荒誕不經，九唔搭八，反而會見到新念頭。死諗爛諗諗唔到，瞓一覺，第二日又會諗通，亦係此理。如此睇出反覆思想，以及無意識嘅重組，都同諗頭有關。

古希臘哲者柏拉圖，就以idea講形與狀，同當今所講非常唔同。世間物之形，都抄自理想之形，之不過抄得唔完美。雖則同現今所講唔同，咁都係英文idea嘅初意。而法國哲者笛卡兒，跳出柏拉圖所定，指idea為所想之像，有如物之形，內在嘅。自始個字有新用法，趨向現今字義。

現今 idea，經常借發光電燈膽示意。一來光以示發明，正所謂靈光一現，人以光以示聰明，解決問題。二來，愛迪生發明電燈膽，人盡皆知，世界時時引以為例，愛迪生亦時有持電燈膽之形像。三者，卡通片菲力貓，由佢開始，時時用電燈膽代表諗通咗，即係有 idea。

諗頭

睇埋