艾爾登法環

艾爾登法環（英文：Elden Ring）係 2022 年 2 月 25 出嘅一隻魂系開放世界動作 RPG，由 FromSoftware 開發、Bandai Namco 發行，而故仔就由著名美國奇幻作家佐治·R·R·馬田寫。

隻遊戲用咗黑暗奇幻嘅美學。

機制編輯

耐力（stamina）：每個角色都會有嘅一個值，
- 個角色做親乜嘢行動－例如每吓格鬥武器攻擊，或者每次用咒語... 呀噉－都要消耗一定量嘅耐力，唔同行動會消耗嘅耐力量唔同；
- 一個角色唔夠耐力淨就唔能夠做嗰樣行動，
- 如果一個角色乜行動都唔採取，過咗一陣之後就會開始恢復耐力；
閃避：隻遊戲有個閃避指令，玩家一撳閃避指令，玩家角色就會突然郁動，郁動嘅幅度啱啱好夠佢避開大部份嘅攻擊，又或者玩家一撳閃避指令，玩家角色就會喺地下翻滾一段距離（dodge roll；閃避翻滾），翻滾進行期間玩家角色會暫時進入完全唔能夠畀人打中嘅狀態；正常情況下，閃避用起嚟會受某啲限制，例如每吓閃避都要消耗若干耐力；閃避可以幾有技巧－想像玩家太早撳閃避指令，佢個角色太早做閃避同太早離開閃避嗰陣嘅無敵狀態，因而畀敵人打中^[1]。

故仔編輯

呢隻遊戲被指用咗大量嘅環境敘事。

隻遊戲呈現一個虛構世界，個故仔嘅世界曾經打過一場大仗（背景故仔）；同隻遊戲作故仔嘅人選擇唔明文噉講呢樣嘢俾玩家知，不過佢哋喺遊戲嘅虛擬世界入面設低各種打過仗會留低嘅物件－例如係佈滿屍體嘅戰場（環境入面嘅物件）同埋俾大炮打到城牆出咗一個個大窿嘅城堡（都係環境入面嘅物件）... 呀噉；噉樣玩家唔使睇啲咩文字，齋靠睇到環境嘅嘢，就意識到隻遊戲嘅背景故仔－達致「用環境嚟表達故仔」噉嘅效果^[2]。

橋段編輯

世界樹：隻遊戲想像中嗰笪虛構大陸，以一樖叫 Erdtree 嘅聖樹做中心；Erdtree 極之龐大，好似成座山咁高，而且佢仲會發出閃呤呤嘅金色光芒，為大地帶嚟生命，而所有嘅生命死咗之後靈魂都會返去 Erdtree 嗰度；信奉黃金律法（The Golden Order）嘅人會敬拜 Erdtree，將 Erdtree 當做 Greater Will（大致就係佢哋嘅上帝）嘅力量嘅代表；遊戲故仔嘅主角要打低眾多嘅對手，目的係要進入 Erdtree 成為笪大陸嘅新王者^[3]。