芝士蛋糕

芝士蛋糕，係西方甜品嘅一種。有一重柔軟嘅上層，混合咗特殊嘅芝士，好似ricotta cheese，或都係cream cheese，再加上糖同埋其他嘅配料，好似雞蛋、忌廉同埋生果等。芝士蛋糕通常都以餅乾做底，有幾種固定嘅口味，如呍呢嗱芝士蛋糕，朱古力芝士蛋糕等，至於表層加上嘅裝飾，通常係士多啤梨或藍啤梨。

一塊德國芝士蛋糕

有時芝士蛋糕睇落去唔係太似一般蛋糕，反而比較似批嘅一種。

簡史

芝士蛋糕據知係源於古早嘅希臘，喺前776年時，為了供應雅典奧運所做出來嘅甜點。跟住由羅馬人將芝士蛋糕從希臘傳播到成個歐洲。喺19世紀跟著啲移民，傳咗到美洲。

名店

喺美國紐約市，公認最好食嘅芝士蛋糕店叫做「Juniors'」，位於布魯克林。喺台灣台北市，公認最好食嘅芝士蛋糕店則位於天母「吃吃看」。

另一種芝士蛋糕

喺英語度，cheesecake亦成日用來形容清涼嘅海報女郎（pin-up girls）。

出面網頁

• 相當多種嘅芝士蛋糕做法——英文
• 藍莓芝士蛋糕做法——中文