荒野亂鬥
《荒野亂鬥》係由芬蘭電子遊戲開發商Supercell公司開發同發行嘅免費增值流動電話遊戲實時戰略遊戲第三人稱射擊遊戲。[1]
| 荒野亂鬥 | |
|---|---|
| Brawl Stars | |
| 類型 | MOBA、英雄射擊遊戲 |
| 平台 | iOS、Android |
| 整 | Supercell |
| 發行 | Supercell |
| 模式 | 多人電子遊戲 |
| 發行日期 | 2017年6月14號（Beta版） 2018年12月12號（全球，除中國大陸） 2020年6月9號（中國大陸） |
2017年6月14號，Supercell通過YouTube直播公佈呢款遊戲。佢喺2017年6月15號喺加拿大嘅iOS應用商店上架。同埋喺2018年1月19號進行公測。Android版本喺2018年6月26號喺其他國家公開測試。兩個平台嘅全球版喺2018年12月12號正式發行。
中國大陸地區由騰訊遊戲同遊族網絡代為發行（iOS系統只有騰訊版），自2019年3月24號開放預約，並喺2020年6月9號正式上線。
遊戲玩法
編輯荒野亂鬥係一款多人在線戰鬥競技場[2]同第三人稱射擊遊戲[3]，玩家可以喺多種遊戲模式下同其他玩家或AI對手對戰。玩家可以由星光之路或者星虹商店解鎖英雄（英文：Brawlers），並用呢啲英雄去對戰。 [4]
荒野亂鬥有好多唔同嘅遊戲模式畀玩家揀，每種模式都有唔同嘅目標。玩家可以根據唔同模式嘅隊伍人數上限去邀請朋友一齊玩。[5] [6]
另外，遊戲中可以用寶石或者星徽點數去買英雄嘅外型，或者通過「亂鬥通行證」解鎖外型，而呢啲外型會改變英雄嘅外觀、動畫同/或聲音。[4] [7]
普通攻擊
編輯每位英雄有特定嘅攻擊模式。
超級技能
編輯當成功對敵隊英雄造成傷害嗰陣，會累積超級技能嘅技能條，儲滿成條技能條就可以用超級技能，而有啲英雄可以自己累積超級技能嘅技能條，例如艾德加。每個英雄都有佢專屬嘅超級技能。例如可以獲得護甲（羅莎），放出艦炮（佩妮）或者連續發射火箭炮（布洛克）。如果用超級技能時成功對敵人造成傷害，亦會累積下一次超級技能嘅技能條。
能力之星
編輯每個英雄仲會有個叫「能力之星」嘅被動技能，當英雄去到9級就可以喺商店入面買。解鎖能力之星之後，英雄就會自動升到10級。部份能力之星會對敵人造成傷害，但係呢類傷害並唔會直接累積超級技能嘅技能條，只會幫玩家更容易累積技能條，例如滴答嘅「自動自發」會令佢可以更頻繁咁攻擊，妮塔嘅「熊之狂暴」會令佢召喚嘅熊靈提升攻擊速度，攻擊敵方英雄嗰陣就可以更快儲到技能條。[8]2019年6月26號開始嘅夏季期間，第二個能力之星亦正式推出。[9] [10]
武裝配件
編輯2020年3月17號，遊戲推出咗武裝配件，係另一種可以解鎖嘅能力。[8]
經濟
編輯遊戲入面有四種虛擬物品：金幣、寶石同星徽點數。
金幣
編輯金幣係遊戲入面嘅主要貨幣，可以通過亂鬥通行證或者商店入面嘅免費獎勵獲得，亦可以用寶石去買。金幣可以用嚟買能量點數、能力之星同武裝配件。如果你有足夠嘅能量點數，亦可以用金幣升級你嘅英雄。
寶石
編輯寶石係一種高級貨幣，可以用真實金錢購買，或者透過亂鬥通行證獲得。[4]寶石可以用嚟買角色造型、金幣、更改名稱、英雄、雙倍代幣加成同埋亂鬥通行證。所有玩家會自動擁有暢玩卷（亂鬥通行證入面免費嘅部份）。[11]
寶箱 （已取消）
編輯遊戲入面有3種唔同嘅寶箱（遊戲版本嘅戰利品盒子）。最基本嘅係亂鬥寶箱，另外兩種獎勵比較多嘅係大型寶箱同超級寶箱，呢兩種寶箱分別會得到亂鬥寶箱三倍同十倍嘅獎勵。玩家可以直接用寶石或者金幣喺商點入面買，或者透過亂鬥通行證同榮耀之路獲得。
星徽點數
編輯星徽點數係另一種可以用嚟買角色造型嘅貨幣。玩家英雄升到指定嘅rank，可以即刻獲得星徽點數，或者將英雄獎盃數升到500或以上，等到榮耀聯賽結束就可以獲得星徽點數。玩家亦可以參與星光競賽，跟據積分嘅高低嚟獲得星徽點數。遊戲亦會唔定時推出挑戰，例如︰雙人生死鬥挑戰、全球錦標賽挑戰，星徽點數係呢類挑戰入面常見嘅獎勵。
榮耀之路
編輯玩家可以將榮耀之路當為遊戲進度嘅一個參考，亦可以透過對戰嚟提升獎盃數去獲得榮耀之路嘅獎勵。獎勵包括︰新英雄、金幣、能量點數（可以用嚟升級英雄）、雙倍代幣加成、新獎盃活動同寶箱。每個獎勵只可以拎一次，唔可以重覆獲得。
亂鬥通行證
編輯喺2020年5月，遊戲更新咗一個叫「亂鬥通行證」嘅新獎勵系統，屬於一種戰鬥通行證，取代咗以前嘅亂鬥寶箱同大型寶箱獎勵系統。亂鬥通行證分為兩部份。所有玩家會自動擁有免費嘅暢玩券。玩家亦可以選擇用寶石購買收費嘅亂鬥通行證。
當玩家完成一場對戰嗰陣，會獲得「代幣」。代幣嘅用法同榮耀之路嘅獎盃數有啲類似，只要有愈多代幣，就可以獲得唔同嘅獎勵。[12]獎勵包括︰英雄積分、星虹英雄積分、寶石、英雄造型、表情（可以喺團隊遊戲房或者對戰途中用嘅表情符號）、金幣同英雄。亂鬥通行證分為兩部份。所有玩家會自動擁有免費嘅暢玩卷。亂鬥通行證取代咗以前嘅亂鬥寶箱同大型寶箱獎勵系統。
賽季
編輯每個亂鬥通行證都有唔同獨特嘅主題，而每個亂鬥通行證都係維持一個賽季。
參考
編輯- ↑ Takahashi, Dean (February 11, 2020). "Supercell's off year: revenues of $1.56 billion and profits of $577 million". GamesBeat. VentureBeat. 喺January 23, 2021搵到.
- ↑ Minotti, Mike (2018-12-12). "Supercell's Brawl Stars launches on iOS and Android". VentureBeat (美國英文). 喺2020-03-17搵到.
- ↑ "'Brawl Stars' review: 'Overwatch' lite, on smartphones". Young Post. 喺2020-08-11搵到.
- ↑ 4.0 4.1 4.2 "UPDATE: Tara's Bazaar". Brawl Stars (英文). 喺2020-07-24搵到.
- ↑ Torres, Ida (2017-06-17). "Brawl Stars is an upcoming game from the makers of Clash Royale". Android Community (美國英文). 喺2019-08-29搵到.
- ↑ Hayward, Andrew (2018-12-19). "Brawl Stars is a worthy, if simple, Clash Royale successor". Polygon. 喺2019-08-29搵到.
- ↑ "Brawl Stars Skins List (Summer of Monsters) - All Brawler Cosmetics". Pro Game Guides (英文). 2018-12-26. 喺2020-08-01搵到.
- ↑ 8.0 8.1 "#BrawlGadgets Update!". Brawl Stars (英文). 喺2020-07-24搵到.
- ↑ "Summer Update!". Brawl Stars (英文). 喺2020-09-09搵到.
- ↑ "Summer Update!". Brawl Stars (英文). 喺2020-09-09搵到.
- ↑ EDT, Steven Asarch On 5/14/20 at 10:41 AM (2020-05-14). ""Brawl Stars" added a battle pass but is it worth it?". Newsweek (英文). 喺2020-08-14搵到.
- ↑ "Brawl Stars, Brawl Pass". 13 May 2020.
{{cite web}}: CS1 maint: url-status (link)