荔枝角大橋（英文：Lai Chi Kok Bridge）係香港一條橋，喺荔枝角，響新九龍西同新界之間。橋歸入葵涌道，主要係行車天橋，當中部份有行人路。橋闊十三米，六線雙程行車，駁埋葵涌道同荔枝角道。喺香港幹線之中，佢編入5號幹線。
1968年10月28號，荔枝角大橋及葵涌道正式落成通車[1]，連接九龍西同新界西，取代青山公路葵涌段，成為要道。荔枝角大橋橫過當時重未填海嘅荔枝角灣（荔灣）[2]，係香港首條跨海大橋。二十世紀八十年代尾，荔枝角灣填地，拎來起公共設施，自此變咗地上嘅行車天橋。家下荔枝角大橋橋底，有港鐵西鐵綫穿過，而北側有美孚站。
