莊周夢蝶莊子提出嘅一個哲學論點,認為人冇可能確切噉區分真實同虛幻,當一個人認為事物存在真實同虛幻嘅差別嗰陣,經已有問題喺度。

莊周夢蝶。池大雅畫作

莊子以故事嘅形式進行咗以下嘅闡述:

昔者莊周夢為胡蝶,栩栩然蝴蝶也。(自喻適志與!)不知周也。俄然覺,則蘧蘧然周也。不知周之夢為胡蝶與?蝴蝶之夢為周與?(周與蝴蝶則必有分矣。)……此之謂物化。

—— 《齊物論》

大意係:莊子有一日發夢,夢見自己變咗做一隻蝴蝶。醒咗之後,佢發現自己仲係莊子,於是佢唔知自己到底係變成莊子嘅蝴蝶吖,定係夢中變成蝴蝶嘅莊子。喺呢度,莊子提出咗一個哲學問題—人要點樣認識真實。如果一個夢望落夠真實,人好難知自己發緊夢。