華頂宮
(由華頂侯爵家跳轉過嚟)
華頂宮（日文：かちょうのみやKachō no miya）係日本皇室舊時一個宮家，響1868年由華頂宮博經親王設立，現任當主係華頂博道。雖然華頂宮到依家都仲存在，但係淨係得個名，已經唔再係日本皇室成員，同埋依家嘅正式名改咗叫華頂侯爵家。
歷史
編輯華頂宮係由華頂宮博經親王響1868年設立，但係博經響1876年突然過身，於是當主一位由博經獨仔華頂宮博厚親王繼承，無奈博厚都好短命，響1883年博厚過身，終年八歲。
博厚死咗之後，華頂宮一下子冇咗繼承人。咁啱當時伏見宮有嫡子邦芳，所以就派咗庶長子博恭（嗰時佢叫愛賢）過嚟繼承華頂宮當主一位。後嚟伏見宮原先預定繼承人邦芳身體轉差，而另一位嫡子昭德又早死，所以博恭響1904年以貞愛親王大仔嘅身份回歸伏見宮，同年由博恭第二個仔博忠繼任華頂宮當主一位。但係博忠響1924年過身，由於博忠冇仔女，所以華頂宮絕家。
響1926年，華頂宮改叫華頂侯爵家，由博恭第三個仔、博忠細佬博信繼任華頂宮當主一位。但係由呢個時候開始，華頂宮已經唔再係日本皇室成員，不過仲保留貴族身份。
響1970年博信過身之後，由大仔博道繼承做當主。不過博道繼任嘅時候已經冇嗮權力，淨係得個名，同平民已經冇乜差別。