邦芳王
邦芳王（日文：くにかおう，1880年3月18號—1933年6月1號）係日本明治至昭和時期嘅皇室成員，伏見宮貞愛親王二仔。因為佢係嫡長子，所以又叫伏見宮邦芳王。
經歷
編輯1880年，貞愛親王同老婆利子女王嘅大仔響京都府出世，之後改名叫邦芳。
早年曾經入讀陸軍幼年學校，但響呢個時候佢有咗精神病。由於佢有精神病，搞到身體好差，所以之後明治天皇就批准佢唔使當兵。1900年，佢做咗貴族院議員。
之後佢嘅身體越嚟越差，而且病情仲冇好轉，所以響1904年廢除佢伏見宮未來繼承人一位，轉為由本身已經繼承華頂宮嘅博恭王返嚟做伏見宮未來繼承人（仲有，另一個嫡子昭德王早死）。後嚟，明治天皇見佢咁慘，唔係好忍心，所以就批准邦芳王攞特賜金（類似香港嘅綜援）。
邦芳因為身體問題，所以一生人都未結過婚。
1933年，邦芳王病死，終年五十三歲，骨灰擺咗響護國寺。
屋企
編輯老豆：貞愛親王
阿媽：利子女王
兄弟姐妹：大佬博恭王---大家姐禎子---細佬昭德王