葉序（粵拼：jip6 zeoi6）係樹葉嚮植物枝莖上面生長分佈次序。嚮植物學上面，葉序係分析辨認植物種類嘅一種途徑。最簡單嘅幾種葉序類型，包括對生，輪生、互生。
又叫做十字對生，葉片嚮莖節上兩片、兩片一排，一對對差唔多形成180度。咁生法有利光合作用。對生植物例如丁香、迷迭香、薄荷葉。
每莖節上至少生3塊葉，輪狀排列。例如夾竹桃科、黑板樹、軟枝黃蟬。
每莖節上只生一塊葉。成枝植物，葉序可能成為螺旋狀、二列狀或者三列狀。螺旋狀葉序植物例如樟樹科植物；二列狀植物例如鳶尾科植物；三列狀例如莎草科植物。
