葵扇用係蒲葵樹嘅葉織出嚟嘅扇，撥涼用。
種類同造法都有幾多。其中，把扇嘅手柄就係由原先嘅葉柄加工而成嘅，扇面就將分開嘅葉片交差織成。有啲就成塊葉片做扇面，用布或者其他物料修邊。
葵扇早喺大明時，工藝已好精湛，重係獻畀皇室嘅貢品[1]。廣東新會嘅葵扇就比較有名[1]。
「撥大葵扇」就即係幫人做媒，撮合男女[2]。因為喺戲度，媒人都係揸住把大葵扇。
