葵涌焚化爐英文Kwai Chung Incineration Plant),香港舊日垃圾焚化爐,用來燒垃圾。爐處於葵涌青洲側,擸𢶍灣填地邊,同青衣隔住青衣門洋面。原煙通好高,高一百五十米,上半油上紅白相間,夜有紅燈,好顯眼,以防飛機飛近,不過今下已拆咗。焚化爐最初只近青衣大橋,後起咗更近佢嘅青葵公路長青橋。遠少少重有荃灣華人永遠墳場荃灣避風塘葵涌貨櫃碼頭葵涌火葬場

葵涌焚化爐
葵涌焚化爐全景,北向南望,正中係焚化爐,洋面係青衣門,左面青洲,右面青衣,左上葵涌貨櫃碼頭,左下有避風塘,遠方香港島

爐起喺擸𢶍灣填地上,佔地一公頃四,即三英畝半。一九七八年十月啓用,耗資達一萬五千萬[1][2]

香港原有垃圾焚化爐四座,用來燒固體垃圾,除咗葵涌依座,重有堅尼地城焚化爐荔枝角焚化爐梅窩焚化爐。一九八九年六月,香港政府發表《對抗污染莫遲疑》白皮書,考慮環境污染,影響公眾健康,決定停用焚化爐處理固體廢物,所有焚化爐作廢,最後拆晒。一九九七年五月,停用葵涌焚化爐,係四座之中,最後停用。直到二〇〇八年,分三段清拆。

拆卸 編輯

 
拆緊嘅葵涌焚化爐煙囪

由於起咗青葵公路天橋,二〇〇七年打算拆煙通時,特別小心。為免拆時有噪音塵埃,唔用爆破,唔用撞擊,而另用新法。首先置個吊臂,長一百六十八米,套個鋼鐵保護網落煙通度。再用電動鑽石鏈切割機,一截一截切落來。用新法亦無額外成本。

焚化爐燒垃圾,亦留低一啲毒物,如二噁英呋喃石棉重金屬、石油碳氫化合物等等,拆時要特別處理。

編輯

  1. 化學廢物處理中心 > 常見問題〉">化 > 化學廢物處理中心 > 常見問題. 環境保護署. 原著喺2008-05-14歸檔. 喺2008-01-26搵到.
  2. . 島日報. 星島新聞集團. 2009-09-07.
  3. 法會規劃地政及工程事務委員會 工務計劃項目第 657CL 號 — 葵涌焚化爐建築物、構築物和煙囪拆卸工程 (PDF). 香港立法會. 喺2017-09-27搵到.

編輯

  1. 香港工商日報, 1978-07-09 第8頁
  2. 華僑日報, 1978-10-17 第5頁

睇埋 編輯