蒙地卡羅賭場
蒙地卡羅賭場（法文：Casino de Monte-Carlo）係位於摩納哥蒙地卡羅嘅一間賭場，係全歐洲最有名氣嘅賭場之一。蒙地卡羅地處地中海沿岸，出晒名有好靚嘅沙灘，而蒙地卡羅賭場設計得又豪華又充滿咗各種娛樂設備，不溜都吸引到好多有錢嘅遊客。
.jpg)
趣事
編輯睇埋：蒙地卡羅謬誤
賭徒謬誤係一種常見嘅錯誤信念，講到人類好多時會諗住一件事發生過幾次，跟住再發生嘅或然率就會無啦啦低咗。賭徒謬誤又有個別名叫蒙地卡羅謬誤，而呢個名背後查實有段古。
事源據講係 1913 年嘅蒙地卡羅賭場：話說，當時有一班賭客喺蒙地卡羅賭場嘅賭廳玩輪盤，個輪盤已經連續 10 次出咗黑。賭客見到個輪盤咁耐都未出紅，就開始深信「下一舖實出紅」，個個都爭住落注賭跟住會出紅。點知及後結果竟然係個輪盤連續 26 舖都出黑，然後先出咗一次紅。根據紀錄，嗰班賭客個個都賭紅，總共輸咗嘅錢數以百萬美金計。呢單嘢引起咗經濟學同相關領域嘅學者嘩然，從此之後噉嘅思考失誤，就有咗個名叫蒙地卡羅謬誤。
|
.jpg)