蓮花山粵海度假村(粵拼:lin4 faa1 saan1 jyut6 hoi2 dou6 gaa3 cyun1) (英文:Lotus Hill Yuehai Hotel)係中國廣東廣州嘅一間五星級酒店,1987年開業,喺番禺區石樓鎮嘅蓮花山景區入面偏北位(望海觀音西北角近蓮花城南邊同蓮花塔東北邊之間)。
呢間度假村係蓮花山景區入面,唯一全年候,廿四個鐘都開檔嘅設施。間嘢曾經喺2004年同2010年重新裝修過。
佢一共有103間客房,入面有中西式餐廳,重有6個大細唔同嘅會議室。重有游水池、健身、棋牌、夜總會、桌球等一系列休閒娛樂設施響度。