蕭奇標

蕭奇標係香港親中派人士，被指同黑社會社團14K有聯繫，被形容係「中聯辦御用黑社會古惑仔」。

政治立場

蕭係香港親中派成員，支持一帶一路政策，同時亦係茂名及化州嘅政協委員，亦係化州市旅港同鄉會嘅首席會長。

佢仲係青關會榮譽會長，時常出席撐警活動，並且同青關會會長洪偉成關係密切。

爭議

同黑道人物來往

佢曾經被報導同多位黑道人物有來往，包括約人喺太子警察俱樂部聚餐。佢亦曾經同14K嘅成員一同落場進行一啲反法輪功嘅示威。

被指同七二一元朗襲擊有關

喺七二一元朗襲擊入面，好多無辜嘅港鐵乘客喺港鐵元朗站俾人毒打，事件引起極大關注。有人就指，七二一元朗襲擊入面主要打手之一Ruby（露脾）嘅幕後金主就係蕭奇標，而佢亦被視為呢次事件嘅主腦。

另外，事件入面，佢曾經自稱係《中國東盟》嘅記者，話自己係中立，但之後被揭發使用假證扮記者，而佢聲稱持有香港政府發出官方記者證，亦引起一啲爭議。

家庭

佢老婆梁杏雯喺香港警察總部人事部工作，亦有網民話警務處處長蕭澤頤係佢堂兄。