薑汁撞奶

(由薑埋奶跳轉過嚟)

 薑汁撞奶粵拼goeng1 zap1 zong6 naai5 ,亦叫薑撞奶,係一種源自廣東番禺沙灣嘅甜品,係由凝固咗嘅牛奶製成。喺沙灣叫做薑埋奶goeng1 maai4 naai5)。喺附近嘅廣州順德香港等地亦有好多間餐廳供應。做薑汁撞奶用嘅牛奶,以水牛奶為佳,因為水牛奶油脂多,亦都濃啲,一來容易凝結,二來口感都香醇啲。

薑汁撞奶

原理 編輯

含有蛋白酶,可以同牛奶裏邊嘅蛋白質發生化學反應。牛奶裏邊嘅一種蛋白質由可溶嘅狀態轉成不可溶嘅狀態,令牛奶凝固。老薑嘅蛋白酶含量多啲,容易凝固啲。

點整 編輯

將牛奶加熱到約莫攝氏70到80度度,加入適量嘅,等溫度降到70度以下之後,倒到裝有一湯匙度薑汁嘅碗仔入面,大約一分鐘就搞掂嘞。放耐咗嘅薑汁,底部會有一啲沉澱物,呢啲就係令到鮮奶凝固嘅嘢。撞之前一定要攪勻先可以倒啲奶入去。

出面網頁 編輯