蘿蔔糕（粵拼：lo⁴ baak⁶ gou¹）係一種中式點心，華南零舍常見，用蘿蔔加粘米粉整，亦會加入蝦米同切碎咗嘅臘味，除咗係唐人過年成日食嘅糕點，亦係港式茶樓點心。
除咗煎蘿蔔糕之外，亦有酒樓提供蒸蘿蔔糕。佢哋會將蘿蔔糕放入一個小型容器蒸熟，食之前加豉油同胡椒粉落蘿蔔糕表面。加XO醬嚟炒，就成為XO醬炒蘿蔔糕。
