爛牙，又叫蛀牙，係受細菌分泌酸侵蝕嘅牙，通常都係因為口腔唔夠乾淨引致。
一隻爛牙
爛牙其中一個主要成因，係因為啲人成日食埋晒啲酸性嘅食物同飲品：牙嘅外部由一浸琺瑯質包住，琺瑯質非常硬淨，係人體當中最硬嘅物質，人食嘢嗰陣無論點咬硬嘅嘢食（例如花生），牙都唔會受損；不過琺瑯質都有弱點—琺瑯質如果長期成日掂到酸性嘢，好容易被破壞；最差嘅情況係好似汽水等含糖量同酸性都高嘅物質—糖份會助長某啲細菌滋生，呢啲細菌食牙齒表面留低嘅糖份嗰時會製造乳酸，琺瑯質成日接觸住（例如）汽水嘅碳酸加埋啲細菌喺度製造乳酸，日積月累就會慢慢受侵蝕，造成爛牙[1]。
