蠏山砲臺
蠏山砲臺（粵拼：haai5 saan1 paau3 toi4），又叫蠏山臺（haai5 saan1 toi4），係中國廣東廣州嘅一座砲臺遺跡，喺大清光緒十一年間（1885年）起好，位置喺黃埔區蠏山嘅公園山頂，而家係黃埔區嘅登記保護文物。
史 編輯
1885年，中法戰爭結束之後，兩廣總督張樹聲等人為咗要加強長洲要塞嘅防禦力量而搞咗呢個砲臺。1922年嘅孫文廣州蒙難事件當中，陳炯明試過用呢個砲臺射咗嗰時孫文搞嘅永豐艦落嚟。後嚟廣東艦隊名將陳策等人喺蠏山整咗好多座亭仔，重喺山頂搞咗座由胡漢民寫嘅「先大總統孫公蒙難碑」，後邊重寫咗孫文嘅秘書——林直勉寫嘅碑文落去。後嚟呢度逐漸形成咗間公園。
2009年7月，黃埔區人民政府將呢座砲臺列為登記保護文物，2012年列入黃埔區唔喐得嘅文物。2015年11月26號遇到未知情況嘅人為破壞事件。
現狀 編輯
而家砲臺凈得返巷道、牌坊式巷門、藏兵洞同砲池響度，而原先胡漢民寫嘅先大總統孫公蒙難碑已經冧咗；德國克虜伯兵工廠轉軌後膛遠端炮轉咗去越秀山嘅鎮海樓做展覽；而巷門頭頂部分爛咗，得返石門額下邊嗰橛重響度。而石門額寫住「蠏山臺」三個字，右邊寫住「光緒十一年孟夏吉旦」一堆字，左邊寫住「欽命兩廣總督部張」同「欽命廣東巡撫部院倪」呢堆字。砲池個樣係橢圓形，入面有座唔拉臣嘅四方亭響度。
攷 編輯
- 广州 蟹山炮台(2008) 廣東文化網
- 蟹山公园炮台为何这么怪？ 羊城晚报 （2010-04-06 B15版）