血傘》(Blood Umbrella)係一套一度由香港激進親中共派政黨正義聯盟黨有份參與計劃,原定由銀河星娛樂製作(香港)有限公司同埋Good Show TV製作,但之後冇咗消息嘅愛國電影。本來嘅計劃入面,電影嘅故仔係講雨傘革命成功推翻香港政府,之後嘅十年,香港會變成點嘅故事,希望港人反思香港嘅命運。[1][2]

籌備工作 編輯

電影計劃由正義聯盟黨副主席蔡克健編劇同執導,而黨內成員都會參與演出。[1][2]

喺發佈記者會嘅通告入面,負責製作嘅銀河星娛樂製作形容『香港泛民歪理當道,本土暴力橫行,已經嚴重打擊了香港法治和經濟發展』[3]。而去到喺2016年5月12號發佈記者會上面,愛港之聲和平論壇珍惜群組同心護港香港政研會保衛香港運動等激進親中共派都有派代表出席。蔡克健喺記者會上說,佢同大陸朋友開設電影公司,投資最少港幣100萬元,預計7月開鏡,到9月就可以上映。佢當時又話,搵演員係有難度,因為需要年輕演員參與演出,但有年輕演員知道電影嘅主題後就拒絕拍攝。[1][4]

去到同年10月,蔡克健同埋Good Show TV仍然喺Facebook出帖招募演員,包括男女主角同臨時演員,又聲稱部戲會喺12月完工,預計拍20日。[1]Good Show TV嘅代表喺2016年10月接受立場新聞訪問嘅時候就話,劇中會重現「喜記橋底辣蟹」少東主阻止佔領者示威、佔領者被「胸襲」、警察亂打人嘅場面同埋「六八九先生嘅衰嘢」。佢又形容佔領運動「冇啱冇錯,天時地利人和就會發生」,憂慮蔡克健視角偏頗,要求加入呢啲場面,否則唔會注資,又強調冇收正義聯盟一分錢。[5]

外間當時反應 編輯

  • 電影評論網站《講。鏟。片》喺2016年5月16號發表文章形容,整個製作過程相當趕急,搵年青人去拍並唔容易,又形容電影海報「奇趣」。[6]

後續 編輯

2018年再被提及 編輯

喺2018年8月,香港蘋果日報就報道,蔡克健近日有唔少電影工作,但係就係無《血傘》,有網民就問蔡克健《血傘》係咪爛尾,蔡就話未開拍,然後當網民繼續問,點解咁多愛國愛港人都開唔到,蔡克健只係回覆佢話:「你繼續意淫啦,小心身體呀!」[1]

睇埋 編輯

參考 編輯

  1. 1.0 1.1 1.2 1.3 1.4 義聯盟…黨《血聲匿跡兩年 蔡克健導演:還未開拍又怎會有爛尾? | 蘋果日報. Apple Daily 蘋果日報 (香港中文). 原著喺2021-06-21歸檔. 喺2021-01-03搵到.
  2. 2.0 2.1 義聯盟黨將拍撐政府電影 想像佔領後推翻港府後十年情況 (19:31) - 20160512 - 港聞. 報新聞網 - 即時新聞 instant news (繁體中文). 喺2021-01-03搵到.
  3. . www.facebook.com. 喺2021-01-03搵到.{{cite web}}: CS1 maint: url-status (link)
  4. 周雪君 (2016-05-12). 政府義聯盟黨 黨員演出雨傘革命成功後的香港十年. The News Lens 關鍵評論網 (中文). 喺2021-01-03搵到.
  5. 夏蕙演 製作公司:重現辣蟹太子、棍毆途人 歡迎游學修試鏡 | 立場報道 | 立場新聞. 場新聞 Stand News. 原著喺2020-12-04歸檔. 喺2021-01-03搵到.
  6. Ryan (2016-05-13). . (臺灣中文). 喺2021-01-03搵到.