時代 (電影)

2020年拍攝電影

時代》係一套於2020年拍攝嘅香港愛國電影,以2019年6月爆發嘅反對逃犯條例修訂草案運動作背景[1],由楊明莊思明莊思敏曹永廉李霖恩翟俊朗喬寶寶布偉傑等主演,內容講述「外國勢力」令香港社會衝突,要靠《港區國安法》令香港「恢復秩序」。電影由時代電影有限公司拍攝,江湖猛人尹國駒旗下馬來西亞上市公司 INIX 贊助。由於電影故事對《港區國安法》作明確咁樣支持,加上多名主要演員都係親中派支持者,有啲媒體同網民將電影比喻作抗日神劇、「港版《建國大業》」[2][3]

演員

另外,曹永廉同莊思敏嘅角色係兩兄妹[1]

記事及爭議

電影無論係主演嘅演員或劇本本身,都帶有強烈嘅親中色彩,莊思敏接受訪問時嘅時候亦話,呢個某程度上都係一種表態,另一演員曹永廉就聲稱想帶出「較正常的想法」[1][5]導演翟艾頓亦同意題材較敏感,會喺人流較少嘅地方拍攝,但又話劇情唔係討論呢場運動,只係講件事點樣影響親情、友情、工作方面。[6]拍攝期間,電影工作人員就曾經被指違反武漢肺炎限聚令但得到警察包庇,去到預告片推出,部分網民就因應題材同埋拍攝資金來自有江湖背景人仕,對呢套電影作出唔少批評。而一度聲稱嘅上映安排,亦畀戲院否認,甚至發生盜用其他人個名做導演嘅風波。

拍攝活動被指違反武漢肺炎限聚令

於2020年7月一次拍攝活動嘅時候,半百演員及工作人員喺招待傳媒訪問及拜神儀式嗰陣,好多人都無戴口罩,被指違反武漢肺炎限聚令,現場有路過街坊叫佢哋戴口罩,但佢哋同埋在場警察都未有理會,有網民就懷疑警察有意包庇相同政治立場嘅人[2]

許芯悅哭訴莊思明攻擊

許芯悅喺電影入面同楊明飾演情侶,拍攝嗰陣要拖手兼挨心口,但係許就指控楊明的女友莊思明場場戲都「近距離監視」,自己畀佢嘅氣場「嚇窒」,事件被報道後更有人要求許收聲。許又話好驚再被人身攻擊同詛咒,人與人之間要互相尊重,有錢唔係高人一等。其後莊思明反揶揄對方係小丑,博見報[4][7]

電影獲江湖人士旗下公司贊助

《立場新聞》調查發現呢度係該電影由外號「崩牙駒」嘅江湖猛人尹國駒旗下馬來西亞上市公司 INIX 贊助,而該公司其中一名獨立非執董就係近年活躍於娛樂事務、綽號「沙田Me」嘅翟浩琛[8]。而前立法會議員,已經因為國安法被逼流亡海外嘅羅冠聰,亦喺社交媒體批評電影質素,「台前幕後完全係業餘水平,打個燈都有三重殘影」,懷疑套戲係拎嚟洗黑錢[9]

涉嫌盜用導演劉國昌名字

曾經執導《五億探長雷洛傳》嘅劉國昌,被列作呢套戲導演,但係佢其後接受訪問嘅時候,就話真正拍攝時冇參與,因為個劇本越嚟越藍,所以褪軚。佢又話,只係幫手睇過初稿,畀咗少少意見。對於自己被加名,佢就話控制唔到,感到無奈[10]

網民對預告片反應同埋上映安排

喺10月,電影發佈預告片,寫咗「9 月 7 日」上映嘅字眼,但未見該片上畫[11],而且亦有網民大踩質素極低、畫質差、有頭冇尾[12]

去到10月21號,有網民發現電影《時代》嘅 Facebook 專頁,寫咗「《時代》將於2020年11月6日起於 Cinema City 旗下各大戲院放映」,結果凌晨4點,Cinema City 就發表聲明話冇為電影《時代》安排任何放映場次,「一切其他網上的謠言和虛假訊息皆與本公司無關」[13]

面對聲稱嘅上映安排被否定,製作公司回覆傳媒時,就聲稱由於電影題材敏感,受到發行商、戲院同埋各方面唔同政見因由嘅阻滯。投資方會重金投資包場戲院,最終搵到合適嘅方法同渠道令電影上映[13]

導演翟俊威想憑電影入圍金像獎

蘋果日報喺2020年10月30號報道,雖然冇發行商肯接手,但翟俊威想憑呢套戲入圍金像獎,於是親自致電各戲院,仲留底聯絡電話,但係戲院商好多都擔心「賺埋都唔夠裝修費」。翟俊威本來可以選擇做社區放映,同一班藍絲圍爐取暖,但咁樣就唔符合金像獎報名資格[14]

睇埋

參考

  1. 1.0 1.1 1.2 劉希彤.  . 原先內容歸檔喺2020-07-18. 喺2020-08-10搵到.
  2. 2.0 2.1 視限聚令明莊思明拍維穩片聚半百人 街坊鬧爆演員冇戴口罩. 原著喺2020-08-18歸檔. 喺2020-08-10搵到.
  3. 3.0 3.1 3.2  . 原著喺2020-08-08歸檔. 喺2020-08-10搵到.
  4. 4.0 4.1 黃梓恒. . 喺2020-09-23搵到.
  5. 明、曹永廉等演11 月 6 日上映 製作公司﹕政治理由遇阻滯 為放映重金包場. 原著喺2020年12月5號歸檔. 喺2020年10月21號搵到.
  6. 劉希彤.  . 喺2020-09-23搵到.
  7. 陳栢宇.  滿. 喺2020-09-23搵到.
  8. 警電影 牙駒主席大馬上市公司贊助 田me 獨董 | 調查報道 | 立場新聞. 場新聞 Stand News (英文). 原著喺2020-12-09歸檔. 喺2020-10-21搵到.
  9. 冠聰 Nathan Law. www.facebook.com (英文). 喺2020-10-21搵到.
  10. 家丨撐警片副導係前勝和坐館兒子 導演劉國昌無奈被加名:控制不到. Apple Daily 蘋果日報 (香港中文). 原著喺2020-10-28歸檔. 喺2020-10-24搵到.
  11. 明、曹永廉等演11 月 6 日上映 製作公司﹕政治理由遇阻滯 為放映重金包場 | 立場報道 | 立場新聞. 場新聞 Stand News (英文). 原著喺2020-12-05歸檔. 喺2020-10-21搵到.
  12. 沈洛嘉 (2020-10-21). 黃百鳴旗下院線11月上映 Cinema City凌晨4點發文否認. 港01 (香港中文). 喺2020-10-21搵到.
  13. 13.0 13.1 警電影稱Cinema City上映 院商漏夜出嚴正聲明割席. Apple Daily 蘋果日報 (香港中文). 原著喺2020-11-01歸檔. 喺2020-10-21搵到.
  14. 藍電影演大諗頭爭金像獎 屢洽戲院包場放映被拒. Apple Daily 蘋果日報 (香港中文). 原著喺2020-11-06歸檔. 喺2020-10-31搵到.