血淚灑黃華碑
| 血淚灑黃華碑 | |
|---|---|
| 廣州市文物保護單位 | |
 | |
| 喺邊 |  中國廣東省廣州市越秀區黃華路 黃華中約外街北邊近黃華路邊 |
| 類 | 革命遺址及革命紀念建築物 |
| 時代 | 1946年 |
| 冧 | 4-40 |
| 登錄 | 1993年 |
| 地圖 | |
史
編輯抗日戰爭啱啱開打無耐，廣州係國民政府軍同海外聯繫嘅一笪地，亦係中國從英美輸入抗戰物資嘅口岸，所以激嚫日軍，為咗唔想俾英美喺香港度傳啲抗戰物資入嚟中國大陸而決定搞廣州先。
受七七事變影響，日軍喺1938年嘅5月30號同6月10號呢兩日炸咗黃華塘村兩次，令成個村變咗廢墟，死咗百幾位村民，黃華塘變咗「血水塘」。1938年8月13號，日軍戰機殺到廣州，令廣州淪陷，跟住落嚟嗰14個月俾日軍出咗900幾部戰機炸死咗6000幾位廣州當地嘅居民，重整傷咗差唔多成8000人，整冧咗4000幾間房屋、差唔多成百部船都爛埋。
有唔少當地嘅村民估日軍係炸錯咗黃華塘村。因為嗰時喺黃華塘村冇幾遠有間黃華兵工廠（而家係廣州市委黨校）喺度，結果日軍錯手將黃華塘村當成兵工廠嚟炸；重有人估係日軍想亂咁炸嚟殺死嗮啲平民嚟瓦解中國軍民嘅抵抗。1945年8月15號日軍投降後嘅第二年，黃華村啲人組織咗追悼殉敵會嚟追悼啲死難者，重喺個村入面起咗嚿石碑嚟唱衰啲日軍點衰法，同埋村民點解會死得咁慘。
1993年8月9號，廣州市政府將呢嚿碑列為廣州市級文物保護單位。
樣
編輯嚿碑係石碑，上邊寫住「血淚灑黃華」五個大字，左右兩邊都有寫住喺民國廿七年（1938年）七七事變之後發生嘅事經過。