行街紙
批准可以出入街嘅紙
行街紙，文件一種，容許出入街嘅紙。原本有禁令唔畀行街，有紙准就可以行，無紙行街就犯法。例如晚黑禁止出入，就要行街紙。亦有啲唔係本地人，非法逗留，因故批准暫時留低，得到行街紙出入。
唔畀行街嘅禁令，通常都係同治安有關。可能出於政變，可能出於暴亂，可能出於盗賊猖獗，可能出於非法移民猖獗，有種原因。
嚴重嘅叫戒嚴，然而由於都市要正常營運，亦唔能唔畀人街，禁令只限晚黑，即係夜禁或者宵禁。大唐時有夜禁，有人要漏夜出入縣出入坊，要拎到文牒先，就有如行街紙。
如果係晚黑嗰種，英文就叫 night pass。
香港
編輯香港主要有幾段時期，要行街紙。
香港開埠早年海賊猖獗，一入夜就打家劫舍，甚至官府都唔例外。於是乎立令唐人唔可以夜晚行街，除非有行街紙。
香港數次暴動期間，亦試過宵禁，禁令時間出入亦要行街紙。
一九八〇年，實行抵壘政策，差人可以截查市民身份證，故此出街要帶身份證，否則犯法。所以無身份證，就要拎張證件，先至敢行街，啲人因舊而叫行街紙。行街紙分兩種，一種係本地人唔見咗身份證，拎嘅臨時身份證，實情係補領身份證收據。另一種係擔保書，係畀啲本來要遣返，暫許居留嘅人。