衛奕信蒂利安嘅衛奕信男爵,KT,GCMG(David Clive Wilson, Baron Wilson of Tillyorn1935年2月14號—),用過魏德巍做中文譯名,係英國外交官,現任蘇格蘭皇家學會會長,熟知中國事務,喺1980年代負責同中方起草《中英聯合聲明》,後來喺中英聯合聯絡小組擔任首任英方首席代表。1986年12月,港督尤德爵士係任內突然逝世,當時嘅布政司鍾逸傑出任署理香港總督一職直至1987年4月9號,衛奕信爵士出任第27任港督為止。

衛奕信
姓名原文David Wilson, Baron Wilson of Tillyorn
出生日1935年2月14號 喺Wikidata改呢個 (89歲)
出生地Alloa 喺Wikidata改呢個
本名David Clive Wilson
國籍英國 喺Wikidata改呢個
識嘅語言英文 喺Wikidata改呢個
母校Keble College、倫敦大學亞非學院香港大學 喺Wikidata改呢個
職業政治人外交官 喺Wikidata改呢個
僱主英國外交及聯邦事務部、Foreign Office 喺Wikidata改呢個
配偶Natasha Helen Mary Alexander 喺Wikidata改呢個
仔女Peter Wilson 喺Wikidata改呢個

1989年六四事件發生,中國當局用坦克進佔天安門廣場,鎮壓學生運動。六四事件引起港人恐慌,對香港前途嘅信心更加跌至有史以來嘅最低點。為咗穏定民心,佢喺六四事件後提出香港機場核心計劃(亦即玫瑰園計劃),起新機場同埋配套設施。但係佢推出計劃時,並冇諮詢中方,而且整項計劃估計會用上1270億港元。結果被中方指係英方想使晒香港外匯儲備嘅陰謀,重揚言唔會「祝福」港府嘅玫瑰園計劃。最後搞到要英國首相馬卓安被迫去北京,同當時被國際杯葛緊嘅中國簽署諒解備忘錄,先可以平息事件。一般嚟講,港督經過第一段任期以後,都會得到英國政府續任,作為肯定港督政績嘅表示。但係,之後英國政府喺未公佈港督繼任人選嘅情況下,就宣佈衛奕信冇得續任。

衛奕信被撤換後,返咗英國出任多項公職,但重係好關注香港事務。

榮譽博士 編輯

編輯

  1. 第50屆大會 (1995) | 頒授學位典禮 | 香港中文大學香港中文大學 (繁體中文)
  2. 奕信 - 檔案 - 名譽博士學位畢業生 - 香港大學名譽博士學位畢業生 (繁體中文). 香港大學.