西來初地（粵拼：sai1 loi4 co1 dei6） 係中國廣東廣州嘅一條街道兼地名，喺荔灣區上下九同華林寺、康王南路之間。
南朝梁武帝大通元年（527年），菩提達摩從印度航海嚟到今日廣州嘅下九路珠秀坊一帶登陸。梁武帝派人專程接達摩到金陵（今日嘅南京）。達摩離開金陵後到中原地區嘅少林寺傳教。佢嘅禪宗學說經後世啲人（尤其係六祖惠能嘅發揚光大）形成咗中國佛教嘅主要宗派。最後，達摩俾人嗌做中國禪宗始祖。後人為紀念達摩嚟咗中國傳教而將登陸地區改名做「西來初地」。
.jpg)