開主選單

華林寺粵拼waa4 lam4 zi2)係中國廣東省廣州市嘅其中一間佛教寺院,呢間寺院係廣州嘅五大叢林寺院入面嘅其中一間寺院,喺荔灣區下九路嘅西來正街入面。佢之前嗌過西來庵sai5 loi4 ngam1)嘅名。而呢間寺廟從開始起一直到而家已經有1400幾年嘅歷史。由於達摩畀梁武帝請咗去建康(今南京),後到咗嵩山少林寺面壁九年,弘揚禪宗,畀尊稱做中國禪宗初祖,西來庵一帶就叫做西來初地

華林寺羅漢堂
廣州市文物保護單位
Guangzhou Hualin Si.JPG
華林寺嘅正門
喺邊 荔灣區下九路華林寺前31號
座標 座標: 23°7′8.24″N 113°14′28.60″E / 23.1189556°N 113.2412778°E / 23.1189556; 113.2412778
古建築
時代 清代
登錄 1963年3月
地圖

由來

呢間寺廟喺隋朝嗰時,嗰度重係個珠江邊。喺南朝梁武帝普通七年(526年),嗰時喺天竺(而家係印度)嗰邊,有位嗌達摩嘅高憎坐船嚟到中國度傳教。結果佢先喺而家嘅西來初地嗰度上咗岸,就喺梁武帝普通八年(527年)喺上咗岸嗰度起咗間西來庵。

究竟點解之前係嗌「西來庵」?就係據話達摩服從做師父嘅訓諭之後,西來就化成禪宗妙旨,就喺梁武帝普通年間,喺海度嚟到廣州城出面嘅珠江北邊(而家係下九路)結草為庵嚟搞苦學同埋修煉。但係過咗無耐,梁武帝就請咗達摩去咗建康(而家係江蘇省南京市),跟住又去埋河南省嵩山上面嘅少林寺度傳法,之後達摩就俾世人話成係中國禪宗初祖喇。而二至六祖係乜水?就係惠可、僧璨、道信、弘忍同埋惠能。而家啲人重好紀念達摩,唔單止上岸嗰度嗌成「西來初地」,重有佢啱啱起開寺院係西來庵之外,而家下九路附近嘅西來正街、西來後街同埋西來西、西來東、西東新等街巷都係噉嚟。

喺西來庵起好咗之後,經過咗咁多次嘅裝修同埋改起成磚木結構,但係佢重冇一直衰落過。喺1654年,間廟嘅住持——宗符禪師就將個廟整大咗,起咗間禪房、僧房、大雄寶殿,重整大咗間庭院,廣植樹木、尤其係重將流水引入埋,就重新起咗間重清新、典雅、靜嘅大規模佛教叢林出嚟。就喺嗰年,佢就將西來庵嘅名改咗嗌「華林寺」重一直用到而家。

到咗1701年,呢間寺又起咗舍利殿,入面有七級嘅石舍利塔。而塔嘅位喺而家華林寺前面條街入面。

喺1845——1849年期間,華林寺嘅住持——祇園法師奉詔就嗌咗喺而家浙江杭州淨慧寺住持——摹祥返嚟起咗間五百羅漢堂。

喺1907年11月,廣州同時成立咗兩大立憲團體——粵商自治會同埋廣東地方自治研究社,其中粵商自治會就揀喺華林寺度[1]

到咗民國初期,國民黨官方就將華林寺入面嘅大部分寺產沒收嗮,民國十三年(1924年),廣州市政府為咗開路同籌集軍費,佢就將殿堂嘅廡廊拆咗改做民房,拍賣咗大部分寺內物品,凈低返五百羅漢堂、舍利塔等建築響度。

1949年中華人民共和國成立咗之後,同埋政府就實行咗宗教政策,重出咗好多錢嚟維修間寺院。

1963年,廣州市政府公佈咗呢間寺係市重點文物保護單位。

1965年,白石塔已經搬咗去蘭圃公園入面。

呢間寺喺1986年重新裝修之後恢復開放以嚟,又俾房屋宿舍逐漸收返嚟裝修,而裝修工程一直到1989年嘅五百羅漢堂先至搞掂。

1994年,白石塔從蘭圃搬返去華林寺入面嘅北邊位嗰度。

1996年,之前收埋喺舍利塔入面嘅舍利子都喺廣州市園林局嘅負責幫手,俾返埋華林寺度。

而家係點?

雖然話而家嘅華林寺喺繁華市區,但係佢都幾靜下。而家華林寺重幾大香火下,雖然話而家的返好少有真正攞住佛珠、讀經文嘅善男信女嘅人響度,但係到咗每年初一、十五等民間傳統嘅節日,重有好多人喺寺廟入面燒香、磕頭同埋讀唱啲經文。

建築

舍利塔

舍利塔有7咁高,用咗星岩白石嚟整,佢表面係六面七層,每層樓都有劃住花紋響度。喺1965年拆咗嚿石塔嗰陣,就發現咗下面嘅嘅四重套盒入面有有22粒佛舍利同埋38粒珍珠、3粒琥珀珠,1嚿沉香木呢啲寶物響度。[2]

五百羅漢堂

 
五百羅漢堂

由於華林寺冇咗大雄寶殿,所以五百羅漢堂變咗主殿。喺起好達摩堂之前,佢又係寺入面唯一嘅殿堂。而呢個殿堂喺道光廿九年(1849年)由嗰時嘅住持——祗園大師起嘅,佢帶返五百羅漢像到呢度按返個樣嚟整,而呢個工程喺咸豐元年(1851年)起好。而殿門上面掛住「五百羅漢堂」嘅牌。兩邊石柱度寫咗句對聯響度:「證菩提心現應真相,登歡喜地得自在觀。」入咗殿門嗰陣凈係見到一嚿笑口常開嘅大肚彌勒佛喺度。而佛後面就係寺院護法神將——韋馱大將軍。喺殿堂嘅北邊種有三嚿大佛響度:其中茲師佛喺左邊,釋迦牟尼佛祖喺中間,阿彌陀佛喺右邊。而殿堂嘅西牆重有個全身地藏王響度,東牆就有嚿用木頭整嘅千手千眼觀音立像響度。

 
1994年重新整嘅新五百羅漢像

五百羅漢堂嘅殿門係向南,從殿門到北邊嘅三寶佛像就係個南北中軸線。而東西兩邊就係回廊,成個殿堂圍成個中文字——「田」字噉,而佢嘅結構係水磨青磚墙同埋花崗岩石脚嘅結構,長44米,闊31米,入面有4個天井。喺1米幾高嘅基座度重放住五百羅漢響度。之前嘅佛像喺文革嗰陣冇咗,而家嘅佛像係喺1994年嗰陣,按返清朝光緒年間嘅《五百羅漢圖》同埋有關資料重新整嘅。喺材料方面,佢用咗優質嘅香檀木,之前係由浙江嘅工匠劃出嚟,再喺潮州汕頭福建同埋湖北度買咗麻布泥灰同埋生漆等好多種材料,再經過縫、開窿、揼布、劃灰、打磨、逌漆、黐金等十幾道工序嚟整,而呢個工程喺1997年12月搞掂。

而家大部分新嘅羅漢像喺台基度,重有幾十個羅漢像排喺「妙相莊嚴」東邊嘅高架度。而且係密密麻麻噉排。

達摩堂

達摩堂係1997年嗰陣,為咗紀念達摩師祖先至重新起嘅殿堂。殿堂係向南嘅,喺殿堂前面嘅石柱度有嚿木刻,上面寫住對聯:「東土禪宗傳妙法,西域寶甸辟華林。」而呢個係話達摩嚟咗中國之後,傳播宗教文化嘅嘢。而殿堂嘅北牆中間嘅白石基上面重搞咗個好似印度僧人噉嘅菩提達摩塑像。而殿堂嘅東邊同西邊嘅牆度掛住兩幅雕畫,入面係寫咗達摩嚟咗中國之後嘅傳奇古仔,好似有「面壁九年」、「一葦渡江」、重有「只履歸西」等呢啲嘢。而呢嚿雕像有6.88米高、重10吨,佢喺佛山嗰邊用咗兩年時間嚟整嘅,重係世界上最大嘅達摩像。[3]

附近嘅交通

  • 巴士:
    華林寺站

睇埋

連出去