西區裁判法院

翻新後西區裁判法院

西區裁判法院又叫西區裁判署，喺香港西營盤薄扶林道2A（近西邊街），喺1965年起，一直用做裁判法院同拘留疑犯之用。前西區裁判法院已被古物古蹟辦事處評為香港二級歷史建築。

史

西區裁判法院可追溯到1950年代，香港人口急速增長，原有嘅司法機關未能追上需求，因此政府決定喺西區起一間裁判法院處理地方司法事宜。大樓由著名建築師行巴馬丹拿起，喺1965年起好。前西區裁判署曾經審理過多宗轟動一時嘅案件，喺2002年6月，香港歌星謝霆鋒曾經因交通意外，而需要嚟西區裁判法院出庭答辯，嗰日有百幾個中外攝影記者喺法院門外，西邊街嘅一方，一時無兩。

由於俾審計署批評法院使用率偏低，西區裁判法院喺2004年關閉並同東區裁判法院合併，而家西區裁判法院已經冇再做司法機關用途，並改做政府辦公室，例如4樓改做勞工處（西港島）就業中心，5樓係渠務署淨化海港計劃部嘅辦公室。

建築

6層高嘅大樓用新古典主義風格設計，外牆模仿石工設計，用大量垂直線條模仿巨柱，突出法院嘅莊嚴同權威。

• 
  西區裁判法院薄扶林道入口
• 
  翻新中嘅西區裁判法院
• 
  西區裁判法院
• 
  西區裁判法院內景

出面網頁

• 中原地圖上的西區裁判法院位置地圖
• 香港司法機構
• 勞工署（西港島）就業中心