西台灣
呢篇文講對喺臺灣西面嘅中國大陸嘅反諷稱呼。想搵臺灣嘅西部地區嘅話，請睇臺灣西部。西台灣（英文：West Taiwan）係一個反對中共政權嘅人士對中國大陸嘅另類稱呼，喺網上討論牽涉到台灣主權問題嘅時候間唔中會被用到。
使用例子
編輯- 2021年6月，荷里活男星莊先拿（John Cena）公開稱呼台灣做國家，被小粉紅攻擊，但結果有更多人聲援佢，當中有啲網民製作咗啲中國嘅迷因，甚至將中國標示做「西台灣」[1]。
- 2021年6月，美國避險基金海曼資本創辦人巴斯着咗一件標示中國做「西台灣」嘅T恤，引起網民熱議，亦引起小粉紅攻擊，中國官媒《環球時報》總編胡錫進反擊，話美國係東台灣[2]。
- 德國遊戲開發公司Bytro喺2021年推出嘅戰略多人連線遊戲「國家衝突：第三次世界大戰」，將中國標示為「西台灣」，新疆獨立就表示做「維吾爾」（Uyghur），蒙古就被標示為中國。中國官媒《環球網》批評呢個做法係「刷存在感」，而台灣網民就揶揄中國又要玻璃心碎地[3][4]。
- 路透社喺2021年6月報導，有618名泰國醫護人員喺打完中國科興疫苗後，仍然染病，包括1宗死亡同1宗重症，有啲中國駐外大使館指責路透社誤導公眾針對中國，結果引來泰國好多網民喺大使館嘅社交媒體留言，除咗將中國稱為「西台灣」之外，亦提到武漢肺炎病毒本來就係來自中國[5]。
稱呼流行嘅成因
編輯呢啲帶貶義嘅稱呼喺網民之間變得流行，係因為中國「戰狼外交」，行徑太過霸道，引起各國網友反感，面對中國網民就國家主權問題嘅攻擊嗰陣，反而變本加厲將中國叫做「西台灣」或者用上其他貶義稱呼，甚至推出一啲相關商品[6]。
睇埋
編輯參考
編輯- ↑ 〈小粉紅瞎出征！他一招讓中國變西台灣〉。《三立新聞》 (中文)。2021-06-01。原先內容歸檔喺2021-12-11。喺2021-12-11搵到。
- ↑ 〈美投資大老穿「中國是西台灣」T恤 網友：也想要一件〉。《台灣蘋果日報》 (中文)。2021-06-20。原先內容歸檔喺2021-06-21。喺2022-01-13搵到。
- ↑ 陳煜 (2021-12-09)。〈德國手遊「中國成西台灣」又惹心碎！網譏：不愧是第三次世界大戰〉。《風傳媒》 (臺灣中文)。原先內容歸檔喺2021-12-11。喺2021-12-11搵到。
- ↑ 〈手遊廣告世界地圖中國被標成「西台灣」 這家遊戲公司紅了〉。《聯合新聞網》 (中文)。2021-12-09。原先內容歸檔喺2021-12-11。喺2021-12-11搵到。
- ↑ 徐筱晴 (2021-07-13)。〈中國大使館駁科興疫苗負面新聞 網友酸「西台灣幹得好」〉。《NOWnews今日新聞》 (中文)。原先內容歸檔喺2021-12-11。喺2021-12-11搵到。
- ↑ 許蒔 (2021-12-10)。〈德國手遊廣告 世界地圖中國大陸直接標示「西台灣」〉。《大紀元時報》 (繁體中文)。原先內容歸檔喺2021-12-11。喺2021-12-11搵到。