西巴丹島

西巴丹島（粵拼：sai1 ba1 daan1 dou2，馬來話：Pulau Sipadan）係馬來西亞沙巴州出名嘅島嶼，以優美嘅自然景觀同潛水環境吸引遊客^[1]，佢係馬來西亞唯一嘅大洋島，島嶼面積大約4萬平方米，由600米深嘅海底直接伸出海面。

西巴丹島

西巴丹島喺馬來西亞嘅位置

西巴丹島喺馬來西亞成立前後即作為法定「鳥類禁獵區」予以保護。2009年沙巴州元首根據《公園法（1984年）》將呢個島陸域部分（即全島，大約13.5公頃）公佈為「西巴丹島公園」；2015年環島海域同珊瑚礁（大約1萬6846.5公頃）亦經公告劃入公園範圍。

2002年，海牙國際法庭就馬來西亞、印尼兩國對呢個島同利吉丹島主權爭議一案判決兩島歸屬馬來西亞。2000年4月，菲律賓恐怖組織阿布沙耶夫喺呢個島綁架咗21人，包括10個遊客同11個渡假村員工，人質被帶去棉蘭老島，其後全部獲釋。

2021年4月13號，馬來西亞國盟政府喺一場關於1963年馬來西亞協定（MKMA63）特別委員會嘅會議入面，宣佈將西巴丹島嘅行政管轄權完全轉交畀沙巴州政府，並將有關呢個島嘅管理權至於1959年《保護區和保護面積法令》嘅保護之下，由沙巴公園信托局監督，但係安全保障仍然由中央聯邦政府負責^[2]。

相