阿布沙耶夫

阿布沙耶夫（英文：Abu Sayyaf；菲律賓文：Grupong Abu Sayyaf；阿拉伯文：جماعة أبو سياف‎ Jamāʿat Abū Sayyāf）係東南亞一個由伊斯蘭恐怖分子所組成嘅摩洛人分離主義組織，佢勢力範圍包括菲律賓南部島嶼，曾經同菲律賓軍方發生多次大小規模衝突。阿布沙耶夫組織幾極端同危險，曾經綁架多名外國遊客。之前更去越境去馬來西亞沙巴綁架人返菲律賓。

阿布沙耶夫
伊斯蘭國嘅黑旗
領導人	阿布杜拉加克·阿布巴卡爾·簡加拉尼 † 卡扎菲·簡加拉尼 † 拉度蘭·沙希倫 伊莎尼隆·哈皮隆 † Mahmur Japuri † Hajan Sawadjaan †
活躍時期	1989年–至今
活躍地域	菲律賓 馬來西亞
意識形態	伊斯蘭原教旨主義
總部	菲律賓蘇祿省霍洛

搞搞震

• 首次亮相喺南部城市三寶顏制造港口爆炸案，隨後又襲擊三寶顏機場，轟炸天主教堂。
• 1993年襲擊一座教堂，當場炸死7人。
• 1995年近百名遊擊隊員喺伊皮爾鎮街頭見人就開槍，殺死53名政府軍士兵同平民，仲放火燒毀教堂。
• 2000年4月23號喺馬來西亞西巴丹島將21名嚟自馬來西亞、菲律賓、德國、法國、南非、芬蘭同黎巴嫩等國家嘅遊客劫持到菲律賓。
  • 4月18號約瑟夫·埃斯特拉達總統63歲生日嗰日，阿布沙耶夫武裝喺菲律賓巴西蘭島斬咗兩名菲律賓人質頭。
• 2000年9月10號喺馬來西亞仙本那外的巴丹南島，擄走3名馬來西亞人至菲律賓南部霍洛島，佢哋之後陸續獲釋。
• 2001年5月27號喺巴拉望島道斯帕爾馬斯綁架20名遊客，其中包括13名菲律賓華人、3名美國人同4名酒店職員，亞羅約總統堅決唔畀贖金，派政府軍向阿布沙耶夫藏身之所發動大規模軍事進攻。

• 2013年11月15號馬來西亞沙巴州出現疑似該成員劫持嚟自台灣許立民夫婦，許立民被殺，佢老婆張安薇就被劫走，已獲釋。

• 2014年4月2號夜晚喺馬來西亞沙巴州，7名疑似阿布沙耶夫成員劫持1名中國大陸籍女遊客同1名菲律賓籍女服務生瑪茜達亞萬達亞萬該名中國籍女遊客已於5月30日獲釋。

• 2015年5月喺沙巴州山打根「海皇餐廳」入面，將華裔工程師鄧德宏同50歲餐廳老闆鄧玉芬一齊綁架。阿布沙耶夫之後向兩人家屬勒索共6,000萬披索贖金，鄧玉芬喺家屬提交贖金之後獲釋。至於鄧德宏，菲律賓警方喺2015年11月17號接報，指清道夫喺蘇祿島霍洛市政大樓附近，發現一個裝有人類頭顱嘅麻布袋，並寫上鄧德宏嘅名。

• 2016年9月號大約夜晚11點喺達沃市一個夜市引爆炸彈爆炸，造成最少14人死亡、67人受傷。

• 2017年5月23號，同毛特組織一齊佔領咗棉蘭老島嘅馬拉維地區，並短暫統治嗰個城市。

菲律賓政府軍事行動

喺2019年Jolo大教堂爆炸案發生之後，總統杜特爾特下令對阿布沙耶夫組織實施「全力開火"All-Out-War"」指示，導致地面部隊重兵力、大規模對周邊地區空襲、疏散附近地區平民去第二度，並成立菲律賓軍隊第十一步兵部門。

睇埋

• 菲律賓特警
• 伊斯蘭國