角落生物

角落生物，日本一套繪畫公仔角色，橫溝百合所畫，二〇一二年出，主要用喺種種產品圖案上，至初有文具同毛公仔，隨後有衣物、廚具同袋。自始喺日本甚受歡迎，產品過三百種。二〇一九年，甚至出埋卡通片。

角落生物有一堆角色，色調圖案亦較為簡單，方便用於產品。色調淡，以黃為主，配綠、藍為次，白、紅、紫等點綴。角色圓潤，筆畫簡單，睇落去好得意。

角色乎合日本人中意旮旯頭嘅習慣。角色主要分成角落同迷你兩系，角落系性格好陰，咁會舒服啲，迷你系就好陽，睇落開心啲。另外有海角系，同埋一啲唔屬於三系嘅角色。

文

角落生物，日本本名すみっコぐらし，音Sumikko Gurashi。すみっこ即隅っこ，隅即係屋內一角，旮旯頭。ぐらし即暮らし，生活之意。夾埋就係「角落生活」。日本去咖啡座，去鋪蓆嘅房，中意揀旮旯頭來坐。

角落生物有個副題，日本寫為ここがおちつくんです。ここ即此処，依度咁解。おちつく即落ち着く，即係有着落，安定咁解。夾埋就喺依度感到安定，亦即我中意喺依度咁意思。

橫溝百合讀多摩美術大學之時，趴地熊創作者末政光，就係佢教授之一。佢會喺筆記簿一角，畫一啲公仔做扮學生角色，依啲就係角落生物嘅雛型。