諸星清佳
諸星清佳（日語：諸星 清佳／もろほし さやか Morohoshi Sayaka，1965年2月24號—）係日本記者，男性，北海道札幌人。[1]
| 諸星清佳 | |
|---|---|
| 粵拼 | zyu1 sing1 cing1 gaai1 |
| 出世 | 1965年2月24號 日本北海道釧路市 |
| 國籍 | 日本 |
| 民族 | 和族 |
| 語言 | 日文、官話 |
| 教育程度 | 東京外國語大學中國語學科 東京外國語大學大學院博士前期課程 武漢大学留學 北京大學留學 |
| 母校 | 東京外國語大學 |
| 職業 | 記者、大學講師、作家 |
| 活躍時期 | 1990年至今 |
| 日文寫法 | |
|---|---|
| 日文原文 | 諸星 清佳 |
| 假名 | もろほし さやか |
| 黑本式羅馬字 | Morohoshi Sayaka |
生平 編輯
諸星清佳喺北海道釧路市出世，喺札幌市大。佢喺東京外國語大學中文系（日文：中国語学科）主修中國現代文學，讀書嘅時候試過寫咗一篇關於貧窮地區東京山谷嘅調查報導，喺校刊發表[2]。佢大學畢業論文嘅題目係《劉賓雁與中國嘅言論自由》。畢業之後佢試過做「北海道新聞」嘅記者，後來辭職去咗東京外國語大學研究院地域文化研究科讀博士前期課程，學習中國現代歷史同文化[3]。1987年9月到1989年2月，佢喺武漢大學留學，1991年9月到1992年7月就喺北京大學[4]。1998年11月到2001年1月，國立高岡短期大學情報産業系（現富山大學藝術文化系）地區商務専業（漢語）講師[5]。
而今諸星做自由記者，係日本中國通。佢基本上支持中華人民共和國嘅改革開放政策，同時嚴厲批評毛澤東思想同埋日本嘅毛主義支持者（例如本多勝一），又認為文化大革命係典型嘅法西斯運動[6][7][8]。2007年前後，日本開始流行中國經濟崩潰論同中國崩潰論，而佢一路都否定呢啲睇法[9][10][11]。諸星早就知道新疆有對維族嘅壓制情況，但本多勝一主編嘅《星期五周刊（日文：週刊金曜日）》冇刊登諸星嘅報導[12][未記出處或冇根據]。
部分作品一覽 編輯
調查報導 編輯
- 《赤い夢から覚めて――改革開放下の中国を行く》（赤色夢醒：探索改革開放嘅中國），《週刊金曜日》第12~21號（1994年2月4號～4月8號）
- 《赤い夢から覚めて――改革開放下のウイグル》（赤色夢醒：新疆維吾爾族篇），《季刊中国》№39（1994年冬季號）
- 《今も中国の厳戒下にあえぐチベットの声を聞け》（聽下俾中國壓制嘅西藏嘅聲氣），《正論》2009年5月號
時評 編輯
- 《三度目には――追悼劉賓雁》（第三勻矣：追悼劉賓雁），《東方》301（2006年3月）
著述 編輯
- 《沈黙の国の記者――劉賓雁と中国共産党》（沉默國度嘅記者：劉賓雁與中國共產黨），すずさわ書店（1992年12月）
- 《ルポ中国――「解放の夢」と「開放の現実」》（中國深度報導：解放之夢與開放之現實），晩聲社（1996年7月）
- 《中国革命の夢が潰えたとき――毛沢東に裏切られた人々》（中國革命夢想破滅時：俾毛澤東氹咗落沓嘅人），中央公論新社（2000年1月）
- 《チベットの現在――遥かなるラサ》（今日嘅西藏：遠在拉薩），日中出版（2014年1月）
翻譯 編輯
- 《劉賓雁ルポ作品集――橋梁工事現場にて/他》（劉賓雁報告文學作品集：〈在橋樑工地上〉及其它），白帝社（2004年7月）
睇埋 編輯
参考 編輯
- ↑ 諸星清佳，《劉賓雁ルポ作品集》（劉賓雁報告文學作品集），扉頁
- ↑ 諸星清佳，《特別ルポ・山谷》（特別報導：山谷），《東京外国語大学新聞》№175・176合併号（1984年11月22號），第14～39頁
- ↑ 諸星清佳，《チベットの現在》（今日嘅西藏），扉頁
- ↑ 諸星清佳，《中国革命の夢が潰えたとき》（中國革命夢想破滅時：俾毛澤東氹咗落沓嘅人），扉頁
- ↑ 諸星清佳，《中国革命の夢が潰えたとき》（中國革命夢想破滅時：俾毛澤東氹咗落沓嘅人），扉頁
- ↑ 諸星清佳，《ルポ中国》（中國深度報導），第354～360頁
- ↑ 諸星清佳，《ジャーナリズムの反面教師：本多勝一の"消せない過去"》（新聞工作嘅反面教材：本多勝一「消失嘅過去」），《別冊正論(Extra.12)》，産経新聞社出版（2009年11月），第124～133頁
- ↑ 諸星清佳，《チベットの現在》（今日嘅西藏），第191～192頁
- ↑ 諸星清佳《今も中国の厳戒下にあえぐチベットの声を聞け》（聽下俾中國壓制嘅西藏嘅聲氣），《正論》2009年5月號，産経新聞社出版，第114頁
- ↑ 諸星清佳，書評《中國共產黨》，《北海道新闻》，2011年7月24號
- ↑ 諸星清佳，《チベットの現在》（今日嘅西藏），第21～23頁，第34～37頁
- ↑ 諸星清佳《赤い夢から覚めて：改革開放下のウイグル》（赤色夢醒：新疆維吾爾族篇）《季刊中国》№39(1994年12月)，季刊中国刊行委員会，p59