譚惠珠

譚惠珠，GBM，GBS，CBE，OBE，JP（粵拼：taam⁴ wai⁶ zyu¹；1945年 11月2號—）係現任港區全國人大代表、民建聯黨員同香港基本法委員會委員。香港人，籍貫廣東中山，1980年代試過同時做立法局議員、行政局議員、市政局議員同埋區議員，被稱為「四料議員」。

爭議改

1990年7月，《壹週刊》爆出譚惠珠身為交通諮詢委員會主席，竟然有「先達的士公司」嘅股份，間公司專炒的士牌，又未申報利益。由於涉及利益衝突，譚惠珠重向無綫新聞申訴，掀起一場干預新聞自由嘅風波。最後譚被殖民地政府疏遠，1991年，譚惠珠就冇得再做行政局議員、立法局議員同交通諮詢委員會主席。

香港殖民地時期，譚惠珠思想比較民主同開明。例如1980年，譚惠珠喺公安法例修訂草擬嘅論壇話，民眾集會只要證明冇動亂嘅可能性，就唔算係非法集會，以放寬公眾表達意見嘅權利，主張限制警權^[1]。但1990年代後，佢就同政敵范徐麗泰一樣投共，好似支持23條立法。更話反對嘅人，唔配做中國公民。

2021年3月，中國全國人民代表大會未徵詢過香港市民嘅意見，就通過咗一個『完善香港選舉制度的決定』，引來香港民主派同好多國家嘅批評，形容呢個方案扼殺香港民主。

譚惠珠之後多次強調要「愛國者治港」，又曾經公開表示，如果民主派要參選，佢哋要交代對愛國者為主體治港嘅睇法，支持成立資格審查委員會篩選民主派參選嘅權利，又話香港唔可以以民意治港^[2]^[3]。