變分推斷

變分推斷（英文：Variational inference）或者話變分貝葉斯方法（英文：Variational Bayesian methods）係指啲一系列嘅技術，攞嚟逼近啲喺貝葉斯推論同埋機械學習中出現到嘅難整積分嘅。「變分」係意指喺某個範圍內改變啲初始簡單嘅分佈，去逼近個實際分佈；「推斷」意指從啲外顯變數推斷返啲潛在變數。

背景

内文：潛在變數模型

變分推斷或者話變分貝葉斯方法，主要係攞嚟處理啲複雜嘅統計模型，啲既有外顯變數又有潛在變數同埋未知參數嘅，嚟幫啲變數之間啲關係做建模。

根據貝葉斯推論：

$P(\mathbf {z} \mid \mathbf {x} )={\frac {P(\mathbf {x} \mid \mathbf {z} )\cdot P(\mathbf {z} )}{P(\mathbf {x} )}}$

其中$\textstyle \mathbf {x}$係樣本，$\textstyle \mathbf {z}$係樣本反映嘅潛在變數。$P(\mathbf {z} \mid \mathbf {x} )$表示畀有樣本$\textstyle \mathbf {x}$嗰陣啲$\textstyle \mathbf {z}$嘅分佈。

對於生成模型嚟講，可以根據潛在空間嘅$P(\mathbf {z} )$生成潛在變數$\textstyle \mathbf {z}$，再根據觀察空間嘅$P(\mathbf {x} \mid \mathbf {z} )$得到相應嘅新樣本$\textstyle \mathbf {x}$。

反過嚟喺對啲$\textstyle \mathbf {x}$建模出$P(\mathbf {x} )$嗰陣，就需要用到$P(\mathbf {x} )$嘅邊緣概似亦即係$\int P(\mathbf {z} )P(\mathbf {x} \mid \mathbf {z} )}{d\mathbf {z}$；注意到$P(\mathbf {z} )P(\mathbf {x} \mid \mathbf {z} )}{d\mathbf {z}$即係對$P(\mathbf {x} \mid \mathbf {z} )$嘅期望形式，所以條式都可以寫成$\mathbb {E} _{\mathbf {z} \sim P(\mathbf {z} )}[P(\mathbf {x} \mid \mathbf {z} )]$嘅形式。同時亦都要根據貝葉斯推論從$P(\mathbf {x} )$抽出$P(\mathbf {z} \mid \mathbf {x} )$亦即係潛在變數喺有嗰啲樣本嘅條件下個分佈情況。要對$P_{\theta }(\mathbf {x} )$建模可以用對數最大概似估計，即最大化某個$f(\theta )$。但因爲邊緣概似當中個積分冇解析解，所以難幫佢做數值積分或者求梯度，而變分推斷可以處理到種情況。

數學推導

最大化估計

對數最大概似可以嘸直接對$p_{\theta }(\mathbf {x} )$建模，而係可以搵遞個簡單函數$g(\theta )$係細過原本函數$f(\theta )$嘅，作爲$f(\theta )$下界（lower bound）之一，係噉有：

$f(\theta )\geq g(\theta )$

希望係最大化個$g(\theta )$概似理應畀到對應嘅最大化$f(\theta )$概似，但由於$f(\theta )$係好複雜嘅函數，所以單單靠一隻$g(\theta )$係嘸夠組成個$f(\theta )$啲下界，所以需要一堆壘$g\in {\mathcal {G}}$ 喺個家族集合${\mathcal {G}}$裏頭又㔶齊$\theta$個範圍嘅，再喺啲$g$裏頭整返最大化$\max _{g\in {\mathcal {G}},\theta }g\left(\theta \right)$嚟間接幫$f(\theta )$做最大化$\max _{\theta }f\left(\theta \right)$。

獲取啲下界函數

攞到啲下界函數$g(\theta )$嘅方法可以係對個對數形式概率$p_{\theta }(\mathbf {x} )$進行變形。對於潛在變數$\mathbf {z}$同埋某個佢個分佈$q(\mathbf {z} )$，顯在嘅對數概率$\log p_{\mathbf {\theta } }(\mathbf {x} )$可以寫得成$\mathbb {E} _{\mathbf {z} \sim q(\mathbf {z} )}[\log p_{\mathbf {\theta } }(\mathbf {x} )]$亦即係$\int q(\mathbf {z} )\log p_{\mathbf {\theta } }(\mathbf {x} )d\mathbf {z}$嘅形式：

$\log p_{\mathbf {\theta } }(\mathbf {x} )=\int q(\mathbf {z} )\log p_{\mathbf {\theta } }(\mathbf {x} )d\mathbf {z}$

由於$p_{\theta }(\mathbf {x} ,\mathbf {z} )=p_{\theta }(\mathbf {x} )p_{\theta }(\mathbf {z} \mid \mathbf {x} )$，所以有：

$\log p_{\mathbf {\theta } }(\mathbf {x} )=\int q(\mathbf {z} )\log {\dfrac {p_{\theta }(\mathbf {x} ,\mathbf {z} )}{p_{\theta }(\mathbf {z} \mid \mathbf {x} )}}d\mathbf {z}$

喺當中拆出${\textstyle q(\mathbf {z} )}$有：

${\begin{aligned}\log p_{\mathbf {\theta } }(\mathbf {x} )&=\int q(\mathbf {z} )\log \left({\dfrac {p_{\theta }(\mathbf {x} ,\mathbf {z} )}{q(\mathbf {z} )}}\cdot {\dfrac {q(\mathbf {z} )}{p_{\theta }(\mathbf {z} \mid \mathbf {x} )}}\right)d\mathbf {z} \\&=\int q(\mathbf {z} )\log {\dfrac {p_{\theta }(\mathbf {x} ,\mathbf {z} )}{q(\mathbf {z} )}}d\mathbf {z} +\int q(\mathbf {z} )\log {\dfrac {q(\mathbf {z} )}{p_{\theta }(\mathbf {z} \mid \mathbf {x} )}}d\mathbf {z} \end{aligned}}$

注意到左右兩䊆分別可以表示成期望同埋KL散度，似下式：

$\log p_{\mathbf {\theta } }(\mathbf {x} )={\mathbb {E} _{\mathbf {z} \sim q(\mathbf {z} )}[\log {\dfrac {p_{\theta }(\mathbf {x} ,\mathbf {z} )}{q(\mathbf {z} )}}]}+\mathbb {KL} [q(\mathbf {z} )\|p_{\theta }(\mathbf {z} \mid \mathbf {x} )]$

個KL散度（即 $\mathbb {KL} [q(\mathbf {z} )\|p_{\theta }(\mathbf {z} \mid \mathbf {x} )]$ ）可以直觀啲噉理解爲：從$q(\mathbf {z} )$嚟睇，$p_{\theta }(\mathbf {z} \mid \mathbf {x} )$戥佢走差有幾多；KL散度等於零嗰陣，兩樣嘢基本可以睇作係喺所有埞方都相等。因爲KL散度係非負（大於等於零），所以有：

$\log p_{\mathbf {\theta } }(\mathbf {x} )\geq {\mathbb {E} _{\mathbf {z} \sim q(\mathbf {z} )}[\log {\dfrac {p_{\theta }(\mathbf {x} ,\mathbf {z} )}{q(\mathbf {z} )}}]}$

即個$\mathbb {E} _{\mathbf {z} \sim q(\mathbf {z} )}[\log {\dfrac {p_{\theta }(\mathbf {x} ,\mathbf {z} )}{q(\mathbf {z} )}}]$查實就係$\log p_{\mathbf {\theta } }(\mathbf {x} )$嘅下界，亦即係證據下界（evidence lower bound，ELBO），記作${\mathcal {L}}(\mathbf {\theta } ,q)$。所以最好就係$q(\mathbf {z} )=p_{\theta }(\mathbf {z} \mid \mathbf {x} )$，噉樣有KL散度爲零，個${\mathcal {L}}(\mathbf {\theta } ,q)$又得最大化。但因爲$p_{\theta }(\mathbf {z} \mid \mathbf {x} )$好難攞到，好多時衹有好特殊嘅算法情況下先做得到令兩便相等，種情況係期望–最大化算法（expectation–maximization algorithm，EM Algorithm）。簡單嚟講EM–Algorithm係調校個$q(\mathbf {z} )$嚟最細化個KL散度令到${\mathcal {L}}(\mathbf {\theta } ,q)$得最大化先（即「Expectation」），再喺個$q$下搵返一個$\mathbf {\theta }$最佳嘅令$\mathbb {E} _{\mathbf {z} \sim q(\mathbf {z} )}[\log p_{\theta }(\mathbf {x} ,\mathbf {z} )]$最大，即又令到${\mathcal {L}}(\mathbf {\theta } ,q)$喺$\mathbf {\theta }$方面得到最大化（即「Maximization」），再返去E動作繼續校細個$q$……噉樣往復做落去最終去達到最佳。

睇埋

• 潛在變數模型
• 變分自編碼器