財務公司（Finance company），俗稱財仔，係金融機構一種。
一般唔係銀行，但係又可以借錢畀人嘅金融機構，通常利息會高過銀行，但係審批過程就比較寬鬆。適合心急借錢周轉嘅人。
嚮香港銀行三級制之下，唔係香港銀行嘅金融機構，先至係財務公司。
二十世紀六十年代，有好多香港銀行唔得，政府為咗保護銀行業，所以訂立香港銀行法例，只有銀行執照先至可以做銀行，法定投資成本要求好高，所以外國投資者有意嚟香港做金融機構嘅，都會申請財務公司牌。財務公司即係以公司註冊方式成立，之後再分為投資銀行、接受存款公司、證券公司、放貸人公司等方式經營，同埋由政府監管。
