賴旭輝

賴旭輝，香港親中派政治人物兼建築、測量、都市規劃及園境界人士，曾經係香港測量師學會會長。

學歷

• 英國伯明罕阿斯頓大學理學士學位
• 香港理工大學電子商貿理學碩士學位
• 林肯大學管理學榮譽博士（有爭議）

政治立場同選舉經歷

佢係香港親中派嘅成員，不時喺業界推動香港融入中國發展，一帶一路等政策。

喺2021年9月，佢以48票當選成為香港特别行政區選舉委員會建築、測量、都市規劃及園境界委員。之後佢喺李家超無提政綱嘅情況下，有份提名李家超參與2022年香港行政長官選舉。

爭議

獲野雞大學頒發榮譽博士資格

喺2011年，佢報稱攞到美國嘅林肯大學嘅博士學位同埋資深院士，但有線新聞喺2019年報道，林肯大學其實係一間野雞大學，未獲美國當局認可，比錢就有得攞佢哋唔同嘅頭銜。