賽馬會香港足球總會足球訓練中心
賽馬會香港足球總會足球訓練中心（英文：Jockey Club HKFA Football Training Centre）又叫將軍澳足球訓練中心，係香港足球總會喺香港新界西貢區將軍澳堆填區第一期（77區）興建嘅一座大型足球訓練基地，面積達68公頃，由香港足球總會嘅子公司香港足球訓練中心有限公司營運。足球訓練中心同日出康城第3期緻藍天同埋第5期MALIBU只有一街之隔。嗰度嘅堆填區喺1995年關閉，地皮經過環境保護署修復之後一直懸空；嗰段地皮已經俾香港政府劃歸畀香港足球總會，用嚟興建足球訓練中心用途。
簡介
編輯位於將軍澳嘅賽馬會香港足球總會足球訓練中心佔地12公頃，係由香港賽馬會慈善信託基金捐助興建，香港足球總會負責營運嘅大型足球訓練基地。中心係香港足球代表隊嘅訓練基地同香港教練同球證嘅培訓場地，設施包括三個標準天然草足球場、三個標準仿真草足球場同一個標準五人足球場等等，當中嘅仿真草足球場設有公眾時段，接受市民申請租用。
設施
編輯- 三個標準天然草足球場
- 三個標準仿真草足球場
- 一個標準五人足球場
- 健身室
- 課室
